Argopecten

Argopecten é un xénero de moluscos bivalvos mariños da orde dos ostreidos, superfamilia dos pectinoideos, familia dos pectínidos, subfamilia dos pectininos e tribo dos equipectininos.^[2]

Argopecten Rango fósil: Eoceno – Actualidade [1]
Valva de Argopecten irradians capturada nas illas Bermudas
Clasificación científica
Reino: Animalia Filo: Mollusca Orde: Ostreida Superfamilia: Pectinoidea Familia: Pectinidae Subfamilia: Pectininae Tribo: Aequipectinini Xénero: Argopecten Monterosato, 1889
Especies
Véxase o texto
Sinonimia
Véxase o texto

Argopecten gibbus

Argopecten irradians

Taxonomía

Descrición

O xénero foi descrito en 1889 polo malacólogo italiano Tommaso Di Maria Monterosato, no seu traballo:

Monterosato, T. A. di M. (1889): "Coquilles marines marocaines". Journal de Conchyliologie 37 (1): 20-40.^[2]

Sinónimos

Ademais de polo nome actualmente válido, o xénero coñeceuse tamén polos sinónimos:^[2]

• Agropecten [sic] (erro ortográfico)
• Chlamys (Argopecten) Monterosato, 1889
• Pecten (Plagioctenium) Dall, 1898
• Plagioctenium Dall, 1898

Especies

Na actualidade dentro do xénero recoñécense as especies seguintes:^[2]

• Argopecten gibbus (Linnaeus, 1758)
• Argopecten irradians (Lamarck, 1819)
• Argopecten lineolaris (Lamarck, 1819)
• Argopecten noronhensis (E. A. Smith, 1885)
• Argopecten nucleus (Born, 1778)
• Argopecten purpuratus (Lamarck, 1819)
• Argopecten sugillatus (Reeve, 1852)
• Argopecten ventricosus (G. B. Sowerby II, 1842)

Características

As especies de Argopecten teñen unha cuncha formada por dúas valvas circulares, cunha soa impresión muscular ben desenvolvida.^[3]

Ambas as valvas son grosas e están ben calcificadas, non son simétricas e presentan os bordos denticulados e as costelas dorsais moi marcadas.^[3]