Agrupación Cultural Francisco Lanza

A Agrupación Cultural Francisco Lanza é unha asociación cultural creada en Ribadeo no 1971 co fin de traballar pola lingua e a cultura galegas.^[1][2] Naceu a partir da celebración, o 25 de xullo de 1969, da primeira feira do libro galego en Ribadeo.

Agrupación Cultural Francisco Lanza
Instancia de	asociación cultural
Data
Fundación	1971
Localización
País	España
Sede	Ribadeo
Fontes e ligazóns
Páxina WEB	acfranciscolanza.blogspot.com
[ Wikidata ]

Actividades

Presentación da impresión facsímile do Ribadeo antigo, promovido pola A. C. Francisco Lanza, na sala de lectura da Biblioteca Pública El Viejo Pancho de Ribadeo (2024)

Dentro da súa actividade, a máis da continuación primeiro, e colaboración despois, coa feira do libro, está a edición anual de Cadernos Ribadenses, as Xornadas de Historia Local ou diversas exposicións, como a mantida en outono de 2024 Un percorrido polos cemiterios de Ribadeo a través do galego.^[3]

Asemade, tren organizado numerosas charlas/debate, presentacións de libros, recitais poéticos, os paseos da Paco Lanza, as Palabras no balcón, algunha viaxe cultural (como foi a visita ás exposición do “pergamiño Vindel” ou a referida ao cadro de Castelao A derradeira lección do mestre exposto na Cidade da Cultura de Galicia), promoción do libro galego cando o Día das Letras Galegas, algún concerto musical convidando a grupos novos, actividades para pícaros e pícaras, edición anual dun almanaque en galego etc.^[4]

Tamén mantén, dende o ano 2022, clases de galego e portugués como vector de difusión da lingua e cultura galegas.

Presidentes da asociación[4]

• 1971 - 1973: Manuel Moreda Pérez
• 1973 - 1978: Xosé Yáñez Basanta
• 1978 - 2002: Eduardo Gutiérrez
• 2002 - 2006: Teresa Díaz Estévez
• 2006 - 2008. Xavier Campos López
• 2008 - 2022: Dores Fernández Abel
• Desde 2022: Farruco Graña^[5]