Asp (foguete)

Asp (acrónimo de Atmospheric Sounding Projectile) foi a denominación dun modelo de foguete sonda estadounidense usado entre 1955 e 1963.

Asp
Función	Foguete sonda
fabricante	Cooper Development Corporation
país de orixe	Estados Unidos
Tamaño
altura	2,70 m
diámetro	0,17 m
masa	100 kg
Etapas	1
Lanzamento históricos
Estado	Retirado
Total de lanzamentos	30
exitosos	14
fallos	16
Voo inaugural	1 de decembro de 1955
Último voo	14 de xuño de 1962
Primeira etapa – Asp
altura	2,70 m
diámetro	0,17 m
masa baleiro	18 kg
masa cheo	100 kg
impulsado por	1
potencia máxima	26 kN
propelente	Propelente sólido
[ editar datos en Wikidata ]

Características

Asp foi deseñado pola Armada dos Estados Unidos de América para recoller mostras dos fungos atómicos resultantes das probas nucleares. Foi desenvolto pola Cooper Development Corporation e tras varias probas no polígono de White Sands usáronse durante as probas nucleares da operación Redwing. Máis tarde sería usado como etapa superior, xunto unha primeira etapa Nike, para investigar a atmosfera superior e facer estudos solares.

O Asp lanzábase desde un monorraíl de inclinación variable e levaba un transmisor de telemetría cun peso de entre 9 e 11 kg no morro. As aletas do Asp levaban bengalas para facilita-lo seguimento do foguete.^[1]

Variantes

Asp Apache

O Asp Apache consistiu nun foguete sonda cunha primeira etapa Asp e unha segunda etapa Apache, chegando a alcanzar 120 km de altura. Só se lanzou un modelo, o 15 de novembro de 1961.