Apache (foguete)

Apache foi o nome dun modelo de foguete sonda estadounidense de propelente sólido desenvolvido a finais dos anos 1950 como versión mellorada do Cajun. Entre as melloras incluíanse o uso de poliuretano aluminizado como propelente e o uso dun recubrimento fenólico na tobeira de aceiro.^[1]

Apache
país de orixe	Estados Unidos[1]
Tamaño
altura	4 m[1]
diámetro	0,17 m[1]
masa	100 kg[1]
Etapas	1[1]
Lanzamento históricos
Estado	Retirado.
[ editar datos en Wikidata ]

Aínda que podía ser usado en solitario, como foguete sonda dunha soa etapa, o habitual era que fose usado cunha etapa propulsora adicional, normalmente un Nike.^[1]

Variantes

Asp Apache

O Asp Apache consistiu nun foguete sonda cunha primeira etapa Asp e unha segunda etapa Apache, chegando a alcanzar 120 km de altura. Só se lanzou un modelo, o 15 de novembro de 1961.^[2]