Assurbanipal

Assurbanipal (en acadio Aššur-bāni-apli; siríaco "ܐܵܫܘܿܪ ܒܵܢܝܼ ܐܵܦܠܝܼ"; "Assur é o creador do seu herdeiro")^[1] nado no -685 e finado no -627^[2], foi rei de Asiria dende o ano -669. Foi o máis ilustrado dos monarcas asirios. Os gregos coñecérono como Sardanápalo e na Biblia é coñecido como Osnapper.

Assurbanipal

Biografía
Nacemento	685 a. C. Nínive, Iraq
Morte	631 a. C. (53/54 anos) Nínive, Iraq
Q68328971
668 a. C. – 626 a. C. ← Assaradão (pt) – Aššur-etil-ilāni →
King of Assyria (en)
Actividade
Ocupación	monarca, coleccionador de livros (pt)
Outro
Título	Rei
Familia	Dinastia sargônida (pt)
Cónxuxe	Libali-Sarrate
Fillos	Aššur-etil-ilāni, Sinsariscum
Pais	Assaradão   e Esar-Hamate
Irmáns	Samas-suma-uquin Serua-eterat
Descrito pola fonte	Grande Enciclopedia Soviética (1926—1947) Dictionary of African Biography, Enciclopedia Xudía de Brockhaus e Efron

Relevo de Assurbanipal cazando (Museo Británico de Londres)

Fillo de Asarhaddon, sucedeuno no trono. O seu irmán Shamash-shum-ukin foi rei subordinado en Babilonia.

Vitorias militares

Assurbanipal derrotou ao imperio de Elam, destruíu Susa (-639) e volveu coa cabeza do seu rei Teumman que, ao parecer, se suicidara na batalla do río Ulaia. Isto provocou a desesperación dos embaixadores deste (un arrincouse a barba e outro suicidouse). A cabeza de Teumman luciu tétrica nas portas de Nínive.

Puxo reis monicreques en Madaktu e Hidalu.Realizou existosas campañas militares sobre Exipto, derrotou ao faraón Taharqa en Menfis e combateu ata a completa dominación do país.

O seu irmán rebelouse coa axuda de caldeos, amorreos e gutis. Assurbanipal derrotounos e someteu a Babilonia a unha dura represión, masacre incluída, pero sen destruír a cidade.

Legado cultural

Assurbanipal gabábase de saber ler e escribir, e parece ser que dominou varios idiomas (sumerio e acadio)

Durante o seu reinado floreceu a arte asiria, en particular a escultura monumental, unha das fontes históricas notables para coñecer o período. Mais onde deixou unha pegada imborrable para a posteridade foi na biblioteca de Nínive con máis de 22.000 taboíñas de arxila en escritura cuneiforme con obras literarias, textos filosóficos, relixiosos, tratados médicos, astronómicos, comerciais, dicionarios de acadio, sumerio etc. sistematicamente ordenadas. Salienta o relato de Gilgamesh

O seu reinado marca o punto culminante de Asiria, pero tamén o punto de inflexión cara a súa decadencia. Os seus fillos Assuretilini e Sinshariskun, presas da mutua rivalidade, conduciron ao imperio a un rápido proceso de extinción.