Avicii

Tim Bergling, nado en Estocolmo o 8 de setembro de 1989 e finado en Omán o 20 de abril de 2018,^[1] foi un DJ e produtor musical sueco, coñecido polo seu nome artístico Avicii (estilizado como ΛVICII ou ◢ ◤).^[2] Ficou no posto 6 na clasificación anual dos 100 mellores DJ, segundo a revista DJ Magazine de 2011.^[3] En 2012 acadou o posto 3, que repetiu en 2013.^[4] Foi nomeado dúas veces ós premios Grammy polo tema "Sunshine" que fixo con David Guetta en 2012 ^[5] e no 2013 por "Levels". Algunhas das súas cancións con máis sona son "Waiting for Love", "I Could Be the One" con Nicky Romero, "Wake Me Up", "You Make Me", "X You", "Hey Brother" e "Addicted to You" .

Avicii

Biografía
Nacemento	(sv) Tim Lidén 8 de setembro de 1989 Estocolmo, Suecia
Morte	20 de abril de 2018 (28 anos) Mascate, Omán
Causa da morte	suicidio
Lugar de sepultura	Igreja Hedvig Eleonora (pt)
Outros nomes	Avicii Jovicii Tom Hangs Tim Berg Timberman
Educación	Östra Real
Actividade
Campo de traballo	Música, música dance electrónica, house, música para bailar e música electrónica
Ocupación	músico, produtor musical, remesturador, disc-jóckey, cantante
Período de actividade	2006 - 20 de abril de 2018
Xénero artístico	Música dance electrónica, house progresivo e electro house
Influencias	Swedish House Mafia, Daft Punk e Basshunter
Instrumento	Teclado, guitarra, piano, sintetizador, FL Studio e Logic Pro
Selo discográfico	Universal Music Group EMI Ministry of Sound Island Records Geffen Records Vicious Vinyl (en)
Obra
Obras destacables (2013) True (pt) (2015) Stories (pt) (2019) TIM
Familia
Pais	Klas Bergling   e Anki Lidén
Irmáns	Anton Korberg Linda Bergling
Premios
American Music Awards  Premios Teen Choice  World Music Awards (pt)  MTV Europe Music Awards (pt)  Billboard Music Awards (pt)  Musikexportpriset (en)
Sinatura
Descrito pola fonte	Obálky knih,
Sitio web	avicii.com

Logo de Avicii.

Traxectoria

Tim Bergling naceu en Estocolmo o 8 de setembro de 1989. En maio de 2007, Avicii asinou co selo Dejfitts Plays.^[6] En 2010, Avicii lanzou a canción "Seek Bromance", que acadou o top 20 en países como Bélxica, Francia, os Países Baixos, o Reino Unido e Suecia. Tamén fixo un remix do sinxelo "Rapture" de Nadia Ali para o álbum Queen of Clubs Trilogy: Onyx Edition. En outubro de 2010, Avicii asinou co equipo European A&R de EMI Music Publishing.

Pasamento

O cemiterio de Skogskyrkogården onde se celebrou o funeral de Avicii.

Unha placa na memoria de Avicii, entre outras, na igrexa Hedvig Eleonora, onde está sepultado.

Bergling finou aos 28 anos o 20 de abril de 2018 en Mascate, onde se atopaba de vacacións.^[7] Inicialmente non se revelou a causa do falecemento.^[8][9][10] O 21 de abril, a policía declarou que non había sospeitas dunha morte violenta.^[7][11] Posteriormente, o xornal dixital TMZ revelou que Bergling suicidárase cortando as veas cun cristal roto dunha botella.^[12][13]

O 22 de maio, a familia de Bergling anunciou que o funeral celebraríase na máis estrita intimidade.^[14] O acto tivo lugar o 8 de xuño no cemiterio de Skogskyrkogården en Estocolmo.^[15] Está sepultado na igrexa Hedvig Eleonora.^[16][17]

Clasificación de DJ Magazine

• 2010: #33
• 2011: #6
• 2012: #3
• 2013: #3
• 2014: #6^[18]

Discografía

Álbums

• True (2013)
• Stories (2015)
• Tim (2019) (Álbum póstumo)

Compilacións

• 2011: Avicii Presents Strictly Miami
• 2011: The Singles

Xiras

• True Tour (2014)
• Stories World Tour (2015)