Aythya

Aythya é un xénero de aves da orde das anseriformes, familia dos anátidos e familia dos aitinos.

Aythya
Aythya ferina
Clasificación científica
Reino: Animalia Filo: Chordata Subfilo: Vertebrata Clase: Aves Orde: Anseriformes Familia: Anatidae Subfamilia: Aythyini Xénero: Aythya H. Boie, 1822
Especies
Véxase o texto

De distribución mundial,^[1] está constituído por especies de patos mergulladores.

Taxonomía

Descrición

O xénero foi descrito en 1822 polo zoólogo alemán Heinrich Boie^[2][3], irmán do tamén zoólogo Friedrich Boie.

Etimoloxía

O nome científico Aythya está tirado do termo do grego antigo αἴθυια aithuia, nome dunha ave mariña sen identificar citada por Aristóteles.^[4]

Sinónimos

Ademais de polo nome actualmente válido, o xénero coñeceuse tamén polos sinónimos:^[2]

• Aethyia Gloger, 1827
• Aithya Boie, 1828
• Aithyia Gloger, 1827
• Athya Boie, 1822
• Aythia Salvadori, 1895
• Aythyia Bonaparte, 185

Especies

O xénero comprede 12 especies.^[2][3]

Imaxe	Nome científico	Nome vulgar	Distribución	Estado de conservación
	Aythyia valisineria	Parrulo de dorso branco[5]	Nortamérica	Pouco preocupante
	Aythya ferina	Parrulo eurasiático[5]	Norte de Europa e Asia	Vulnerable
	Aythya americana	Parrulo americano[5]	América do Norte, desde o norte do Canadá até o sur dos Estados Unidos	Pouco preocupante
	Aythya collaris	Parrulo de colar[5]	Norte dos Estados Unidos e o Canadá	Pouco preocupante
	Aythya australis	Parrulo australiano[5]	Australia, Nova Guinea, Nova Zelandia e isls do Pacífico	Pouco preocupante
	Aythya baeri	Parrulo de Baer[5]	Sueste de Rusia e nordeste da China, migrando no inverno ao sur da China, Vietnam, Xapón e a India	En perigo crítico de extinción
	Aythya nyroca	Parrulo castaño[5]	Desde a Península Ibérica e o leste do Magreb até o oeste de Mongolia e, polo sur até Arabia	En perigo crítico de extinción
	Aythya innotata	Parrulo malgaxe[5]	Madagascar	En perigo crítico de extinción
	Aythya novaeseelandiae	Parrulo maorí[5]	Nova Zelandia	Pouco preocupante
	Aythya fuligula	Parrulo cristado[5]	En toda a Eurasia temperada e do norte; visitante ocasional dos Estados Unidos e o Canadá	Pouco preocupante
	Aythya marila	Parrulo boreal[5]	Alasca, norte do Canadá, Siberia e as zonas máis setentrionais de Europa	Pouco preocupante
	Aythya affinis	Parrulo bóla[5]	Alasca, o oeste do Canadá até o oeste de Montana, e América Central	Pouco preocupante