Bellis

Bellis (chamadas comunmente margaridas^[1]) é un xénero de 10 especies e unha parella de sub-especies aceptadas, das case 125 descritas, de plantas herbáceas da familia das asteráceas, a máis coñecida das cales é a margarida común ou europea, Bellis perennis.^[2][3]

Margaridas (xénero Bellis)
Bellis perennis
Clasificación científica
Reino: Plantae Subreino: Tracheobionta División: Magnoliophyta Clase: Magnoliopsida Subclase: Asteridae Orde: Asterales Familia: Asteraceae Subfamilia: Asteroideae Tribo: Astereae Subtribo: Bellidinae Xénero: Bellis L., 1753

Descrición

Caracterízanse por formar rosetas basais de follas ovais ou espatuladas sobre rizomas rastreiros; deles agroman un ou máis talis florais, no cales se produce unha inflorescencia terminal, a miúdo de forma discoidal. Adoitan ser heliotrópicas, fechándose a flor pola noitiña e tornando a se abrid de mañá cedo.

Distribución

Son oriundas do centro e oeste de Europa, onde medran bravas. A especie máis estendida é B. perennis, que acada a península Escandinava, e colonizou América do Norte seguindo aos emigrantes europeos.

Taxonomía

O xénero foi descrito por Carl von Linné e publicado en Species Plantarum, vol. 2, p. 887 en 1753 .^[4]

Táxones aceptados

• Bellis annua L.
  • Bellis annua ssp. annua
  • Bellis annua ssp. minuta
• Bellis azorica Hochst.
• Bellis bernardii Boiss. & Reut.
• Bellis caerulescens (Cosson) Coss. ex Ball
• Bellis dubia Spreng.
• Bellis hyrcanica Woronow
• Bellis longifolia Boiss. & Heldr.
• Bellis perennis L. - margarida común
• Bellis rotundifolia (Desf.) Boiss. & Reut.
• Bellis sylvestris Cirillo