Brazo

Na anatomía humana, o brazo é o segundo segmento do membro superior, entre a cintura escapular (que o fixa ao tronco) e o antebrazo.

Para outras páxinas con títulos homónimos véxase: Brazo (homónimos).

Brazo
brachium
Instancia de	clase de entidade anatómica
Subclase de	subdivision of cardinal body part (en) e proximal free limb segment (en)
Parte de	brazo
Localización anatómica	extremidade superior
Conéctase con	antebrazo e Cintura escapular
Irrigado por	arteria axilar
Drenado por	vea axilar
Fontes e identificadores
MeSH	D001132
Thesaurus do NCI	C32141
Terminologia Anatomica 98	A01.1.00.022
Descrito pola fonte Enciclopedia de Otto Q23862113 , Q23863322 , Q23856548
[ Wikidata ] [ G:Commons ]

Brazo humano masculino.

Definicións

Na linguaxe popular, o termo brazo úsase como sinónimo da extremidade superior ou membro superior do ser humano.^[1]

No entanto, en anatomía, chámase brazo á porción proximal^[2] do membro superior,^[3] formada polo úmero, que articula, no ombro, coa escápula (ou omoplata) e, no cóbado, coa ulna e o radio, que forman o antebrazo.

Brazo en anatomía

Músculos

O brazo posúe catro músculos que se encontran no mesmo compartimento fascial que, no tórax, cobre o deltoide e o pectoral maior:

• O músculo coracobraquial, que liga o úmero á apófise coracoide da omoplata, no ombro;
• O músculo braquial anterior, que fai a ligazón co cúbito, no cóbado;
• O bíceps braquial, gran músculo da parte anterior do brazo que ten ese nome por posuír dúas cabezas (ou partes iniciais), unha ligando igualmente á apófise coracoide e a outra á cavidade glenoide da omoplata; e
• O tríceps braquial, o músculo da parte posterior do brazo, que ten ese nome por posuír tres cabezas; é responsábel do movemento lonxitudinal do cóbado.

Dos lados do bíceps existen dúas concavidades, na interna das cales se encontra a arteria braquial e o nervio medio do brazo.

Imaxes

• 
  Músculos frontais superficiais do brazo.
• 
  Músculos frontais profundos do brazo.
• 
  Músculos posteriores do brazo.