CD79

O CD79 (cluster de diferenciación 79) é unha proteína transmembrana que forma un complexo co receptor de células B (BCR) na superficie dos linfocitos B e xera sinais intracelulares (transdución de sinais) unha vez que o receptor BCR recoñeceu ao antíxeno. O CD79 componse de dúas cadeas proteicas distintas, chamadas CD79A e CD79B (anteriormente coñecidas como Ig-alfa e Ig-beta), as cales forman un heterodímero na superficie da célula B estabilizado por pontes disulfuro.^[1] Tanto CD79a coma CD79b son membros da superfamilia das inmunoglobulinas. Nos humanos o CD79a está codificado polo xene mb-1 situado no cromosoma 19, e CD79b está codificado polo xene B29 do cromosoma 17.^[1][2] Ambas as cadeas do CD79 conteñen un motivo de activación baseado na tirosina inmunorreceptor (ITAM) nas súas colas intracelulares, que utilizan para propagar sinais polo interior da célula B, funcionando dunha maneira similar a como o CD3 xera sinais de transdución durante a activación polo receptor TCR das células T.^[3]

molécula CD79a, asociada á inmunoglobulina alfa
Identificadores
Símbolo	CD79A
Símbolos alt.	IGA
Entrez	973
HUGO	1698
OMIM	112205
RefSeq	NM_001783
UniProt	P11912
Outros datos
Locus	Cr. 19 q13.2

molécula CD79b, asociada á inmunoglobulina beta
Identificadores
Símbolo	CD79B
Símbolos alt.	IGB
Entrez	974
HUGO	1699
OMIM	147245
RefSeq	NM_021602
UniProt	P40259
Outros datos
Locus	Cr. 17 q23