Cabra galega

A cabra galega é unha raza de cabras de orixe galega. No ano 2017, o número total de exemplares era de 1013 (778 femias e 62 machos) distribuídos en 59 explotacións gandeiras.^[1] Son animais moi adaptados ó medio e, segundo o Invesaga (Investigación en Sanidade Animal de Galicia) presentan máis resistencia ás infeccións que outras razas caprinas, como o parasito do verme hepático.^[2]

Cabra galega
Clasificación científica
Reino: Animalia Filo: Chordata Subfilo: Vertebrata Clase: Mammalia Orde: Artiodactyla Familia: Bovidae Subfamilia: Caprinae Xénero: Capra
Orixe da raza Orixe da raza

Distribución xeográfica

En xeral, os exemplares da raza caprina galega atópanse dispersos nas zonas de montaña, principalmente, das provincias de Lugo e Ourense.

Morfoloxía

As cabras galegas son animais de perfil recto ou subcóncavo, eumétricos, e de gran dimorfismo sexual. A súa capa é uniforme, de cor caoba ou rubia con distintas tonalidades, e considérase descalificante para a raza a presenza de manchas brancas. A forma dos cornos das femias son de arco cara a atrás. Nacen separados e médranlles paralelos. Nos machos son en forma de caracol, alongados e de maior tamaño que os das femias.

Os machos teñen barba ou perilla, e en ocasións tamén aparece de forma rudimentaria nas femias. Os machos son meirandes que as femias, acadando estes primeiros unha altura ata a cruz de 75 cm e pesando 70 quilos de media. As femias teñen unha altura de 65 cm e pesan arredor de 55 quilos.

Evolución da poboación

Ano	Femias	Machos	Total	Ganderías
2010	271	24	295	43
2011	410	55	465	59
2012	514	108	622	64
2013	645	114	759	68
2014	704	110	814	68
2015	775	109	884	66
2016	929	146	1 075	69
2017	914	99	1 013	59
2018	1 047	114	1 161	58
2019	1 108	131	1 239	60
2020	1 161	166	1 327	60
2021	1 156	173	1 329	60
2022	1 163	179	1 342	55

Gráfica de evolución demográfica da cabra galega entre 2010 e 2022

Datos segundo a aplicación ARCA do Ministerio de Agricultura, Pesca e Alimentación.[3]