Calanoida

Calanoida (calanoides) é unha orde de copépodos, un grupo de artrópodos que son comúns no zooplancto. A orde inclúe unhas 46 familias cunhas 1800 especies de augas mariñas e doces.^[2]

Calanoida
Clasificación científica
Dominio: Eukaryota Reino: Animalia Filo: Arthropoda Subfilo: Crustacea Clase: Copepoda Superorde: Gymnoplea Giesbrecht, 1882 [1] Orde: Calanoida Sars, 1903
Familias
Ver texto

Descrición

Os calanoides poden distinguirse doutros copépodos planctónicos porque a lonxitude das súas primeiras antenas é de polo menos a metade da lonxitude do corpo e as segundas antenas son birrámeas.^[2] Porén, o seu trazo anatómico máis distintivo é a presenza dunha articulación entre o quinto e o sexto segmentos corporais.^[3] Os espécimes máis grandes acadan os 18 mm de longo, pero a maioría non excede de 0,5-2,0 mm.^[2]

Clasificación

A orde Calanoida contén as seguintes familias:^[4]

• Acartiidae
• Aetideidae
• Arctokonstantinidae
• Arietellidae
• Augaptilidae
• Bathypontiidae
• Calanidae
• Candaciidae
• Centropagidae
• Clausocalanidae
• Diaixidae
• Diaptomidae
• Discoidae
• Epacteriscidae
• Eucalanidae
• Euchaetidae
• Fosshageniidae
• Heterorhabdidae
• Hyperbionycidae
• Kyphocalanidae
• Lucicutiidae
• Megacalanidae
• Mesaiokeratidae
• Metridinidae
• Nullosetigeridae
• Paracalanidae
• Parapontellidae
• Parkiidae
• Phaennidae
• Pontellidae
• Pseudocyclopidae
• Pseudocyclopiidae
• Pseudodiaptomidae
• Rhincalanidae
• Rostrocalanidae
• Ryocalanidae
• Scolecitrichidae
• Spinocalanidae
• Stephidae
• Subeucalanidae
• Sulcanidae
• Temoridae
• Tharybidae
• Tortanidae

Ecoloxía

Os copépodos calanoides son os animais dominantes no plancto en moitas partes dos océanos do mundo, constituíndo o 55–95% das mostras de plancto.^[2] Son, por tanto, importantes en moitas redes tróficas, tomando a súa enerxía do fitoplancto e algas e "reempaquetándoa" para o seu consumo polos predadores dos niveis tróficos superiores.^[2] Moitos peixes comerciais dependen dos copépodos calanoides para a súa alimentación tanto na etapa larval coma na forma adulta. Baleas como a balea de Groenlandia, o rorcual boreal, as baleas francas e o rorcual común dependen substancialmente dos copépodos calanoides como fonte de alimento.^[2]