Cangrexo dos cocos

O cangrexo dos cocos ou cangrexo dos coqueiros (Birgus latro) é o meirande artrópodo terrestre do mundo. É un cangrexo ermitán altamente apomórfico e é coñecido pola súa capacidade de abrir cocos coas súas potentes pinzas coa finalidade de comer o seu contido. É a única especie do xénero Birgus.

Cangrexo dos cocos
Estado de conservación
Datos insuficientes [1]
Clasificación científica
Reino: Animalia Filo: Arthropoda Subfilo: Crustacea Clase: Malacostraca Orde: Decapoda Superfamilia: Paguroidea Familia: Coenobitidae Xénero: Birgus Leach, 1816 Especie: B. latro
Nome binomial
Birgus latro (Linnaeus, 1767)
Distribución Distribución
Sinonimia
Cancer crumenatus Rumphius, 1705 (pre-Linnean) Cancer crumenatus orientalis Seba, 1759 Cancer latro Linnaeus, 1767 Birgus laticauda Latreille, 1829

Nalgunhas linguas é chamado "cangrexo ladrón" (que é tamén a tradución exacta do seu nome científico en latín) ou "ladrón das palmeiras", xa que algúns cangrexos desta especie teñen roubado obxectos brillantes como cazos e cubertos de casas e tendas de compaña.^[2]

O cangrexo dos cocos tamén ten outros nomes locais como ayuyu en Guam, e unga ou kaveu nas illas Cook. En Guam, chámaselle por veces "cangrexo dos cocos taotaomo'na" pola crenza tradicional de que os espíritos dos devanceiros poden adoptar a forma de animais como o ayuyu.^[3]