Carl Woese

Carl Richard Woese, nado en Siracusa, Nova York, Estados Unidos o 15 de xullo de 1928 e finado en Urbana, Illinois, Estados Unidos o 30 de decembro de 2012,^[1] foi un microbiólogo estadounidense.

Carl Woese

(2004)
Biografía
Nacemento	15 de xullo de 1928 Syracuse, Estados Unidos de América
Morte	30 de decembro de 2012 (84 anos) Urbana, Estados Unidos de América (pt)
Causa da morte	cancro de páncreas
Residencia	Urbana (pt)
Educación	Universidade Yale - Doutor en filosofía (–1953) Amherst College - grao en Artes (–1950) Deerfield Academy (en)
Director de tese	Ernest Pollard (pt)
Actividade
Campo de traballo	Microbioloxía
Ocupación	microbiólogo, biólogo, profesor universitario
Empregador	Universidade de Illinois en Urbana-Champaign
Membro de	Royal Society (Membro estranxeiro da Royal Society) (2006–) Academia Naciona de Ciencias dos Estados Unidos (Membro da Academia Nacional de Ciencias dos Estados Unidos) (1988–) Academia das Artes e das Ciencias dos Estados Unidos Real Academia das Ciencias de Suecia Leopoldina Academia de Ciencias de Baviera
Interesado en	Microbioloxía
Obra
Abreviatura do autor en zooloxía	Woese
Premios
(2006)  Membro estranxeiro da Royal Society (2003)  Crafoord Prize in Biosciences (en) (2000)  Medalla Nacional de Ciencia (1997)  Prêmio Selman A. Waksman de Microbiologia (pt) (1992)  Medalla Leeuwenhoek (marzo de 1984)  Bolsa MacArthur

Traxectoria

Woese foi o creador da nova taxonomía molecular baseada na comparación entre especies da chamada secuencia do ARN ribosomal 16s e 18s que comparten todos os seres vivos do planeta e que apenas sufriu cambios desde a aparición na Terra das primeiras formas de vida microbiolóxicas. As súas análises filoxenéticas en 1977 levárono ao descubrimento dun novo dominio, o das arqueas (Archaea).

A aceptación da validez das arqueas, que son organismos procariotas pero non bacterias, foi un proceso lento. Figuras relevantes como Salvador Luria e Ernst Mayr non estaban de acordo con esta división dos procariotas, aínda que as súas críticas non se reducían ao ámbito científico. Non foi até mediados da década de 1980 cando a crecente cantidade de datos levou á comunidade científica á aceptación do novo dominio.

Woese ingresou na Academia Nacional de Ciencias en 1988, en 1992 recibiu a Medalla Leeuwenhoek, en 2000 a National Medal of Science e en 2003 foi galardoado co premio Crafoord pola Academia sueca de Ciencias.^[2][3]

Faleceu o 30 de decembro de 2012 en Urbana, Estados Unidos, aos 84 anos de idade.^[1]

Principais publicacións

Libros

• Woese, Carl (1967). The Genetic Code: the Molecular basis for Genetic Expression. New York: Harper & Row. Harper & Row.

Artigos

• Woese, Carl R.; George E. Fox (1977). "Phylogenetic structure of the prokaryotic domain: the primary kingdoms.". Proceedings of the National Academy of Sciences of the United States of America 74 (11): 5088–5090. Bibcode:1977PNAS...74.5088W. ISSN 0027-8424. doi:10.1073/pnas.74.11.5088.
• Woese, Carl R. (01-06-1987). "Bacterial evolution.". Microbiological Reviews 51 (2): 221–271.
• Woese, C. R.; O- Kandler, M. L. Wheelis (1990). "Towards a natural system of organisms: proposal for the domains Archaea, Bacteria, and Eucarya.". Proceedings of the National Academy of Sciences of the United States of America 87 (12): 4576–4579. Bibcode:1990PNAS...87.4576W. ISSN 0027-8424. PMC 54159. PMID 2112744. doi:10.1073/pnas.87.12.4576.
• Woese, Carl R. (2006). "How We Do, Don’t and Should Look at Bacteria and Bacteriology". The Prokaryotes. pp. 3–23.
• Woese, Carl R.; Nigel Goldenfeld (2009). "How the Microbial World Saved Evolution from the Scylla of Molecular Biology and the Charybdis of the Modern Synthesis". Microbiology and Molecular Biology Reviews 73 (1): 14–21. doi:10.1128/MMBR.00002-09.