Medalla Leeuwenhoek

A Medalla Leeuwenhoek foi establecida en 1877 pola Real Academia de Artes e Ciencias dos Países Baixos (Koninklijke Nederlandse Akademie van Wetenschappen, KNAW) na honra do microscopista holandés Anton van Leeuwenhoek. Concédese cada dez ou doce anos ao científico ou científica que fixo a contribución máis significativa á microbioloxía durante a década anterior.

O microscopista Anton van Leeuwenhoek.

Ata a edición de 2003 o premio outorgouno a KNAW, pero a partir da edición de 2015 o premio está organizado pola Real Sociedade Neerlandesa de Microbioloxía (Koninklijke Nederlandse Vereniging voor Microbiologie, KNVM).^[1] En 2023 a profesora estadounidense Jillian Banfield converteuse na primeira muller en recibir este premio.^[2]