Cerceda

Cerceda é un concello da provincia da Coruña, pertencente á comarca de Ordes.

Para outras páxinas con títulos homónimos véxase: Cerceda.

Cerceda

Localización
43°11′19″N 8°28′13″O
Estado	España
Comunidade autónoma	Galicia
Provincia	provincia da Coruña
Capital	O Campo da Feira
Poboación
Poboación	5.085 (2024) (45,7 hab./km²)
Xeografía
Parte de	Mancomunidade de Municipios da Comarca de Ordes Comarca de Ordes
Superficie	111,27 km²
Comparte fronteira con	Tordoia Culleredo Carral A Laracha Carballo Ordes
Organización política
• Xefe do goberno	José García Liñares
Eleccións municipais en Cerceda
Identificador descritivo
Código postal	15185
Fuso horario	UTC+01:00
Código INE	15024
Sitio web	cerceda.es

Patrimonio

Existen restos de dous castros galaicos, o castro de Coto de Guichar (na parroquia das Encrobas) e o castro de Cerceda. Neste atopouse un torque de ouro.

Entre os diversos templos relixiosos destaca a igrexa de Santo André de Meirama, construída no século XII e reformada en 1720.

Do pazo de Boedo, declarado en 1994 Ben de Interese Cultural, mantense do un caserón cun par de chemineas e uns brasóns. No pazo-torre de Gontón das Encrobas están localizadas na actualidade as oficinas da empresa mineira Limeisa. A súa torre tiña orixe medieval. O pazo das Lavandeiras foi construído no século XVIII, de estilo barroco, estando no presente restaurado. Forma parte dun conxunto histórico fundado polos descendentes dos Becerra.

Economía

Cerceda é un concello con dúas grandes empresas, a Central Térmica de Meirama e a planta de tratamento de residuos da empresa de Sogama outras empresas están no polígono industrial do Acevedo. Durante o verán abre o parque acuático Aquapark.^[1]

Recursos de lecer

Cerceda conta cun parque acuático municipal que está aberto na época estival.

Tamén ten 3 rutas homologadas de sendeirismo:

• PR-G 129 Senda Rodís - Xesteda (senda circular)
• PR-G 130 Senda Meirama - Xalo - Meirama (senda circular)
• PR-G 131 Ruta Cerceda - Portobrea (ruta lineal)

Galería de imaxes

Artigo principal: Galería de imaxes de Cerceda.

• 
  Incineradora de Sogama coa central térmica de Meirama ao fondo.
• 
  Vista parcial das instalacións municipais do parque acuático de Cerceda.
• 
  Vista da central térmica de Meirama (Cerceda) e a zona próxima.
• 
  Muíño de Cerceda.
• 
  Monumento de homenaxe a Castelao.
• 
  Detalle do mural homenaxe á minaría do lignito.

Demografía

Segundo o IGE a súa poboación no 2014 era de 5.156 habitantes (5.570 no 2009, 5.483 no 2006, 5.500 no 2005, 5.499 no 2004, 5.471 no 2003). O seu xentilicio (véxase no Galizionario) é «cercedense».

Censo total 2014	5.156 habitantes
Menores de 15 anos	520 (10.08 %)
Entre 15 e 64 anos	3.101 (60.14 %)
Maiores de 65 anos	1.535 (29.77 %)

Evolución da poboación de Cerceda   Fontes: INE e IGE.
1900	1930	1950	1981	2004	2009	2011	2012	2013	2014	2015	2016	2017	2018	2019	2020	2021	2022	2023
4.803	5.949	7.418	7.201	5.499	5.486	5.392	5.318	5.265	5.156	5.076	5.031	4.992	5.023	5.001	5.008	4.996
(Os criterios de rexistro censual variaron entre 1900 e 2004, e os datos do INE e do IGE poden non coincidir.)

Parroquias

Galicia | Provincia da Coruña | Parroquias de Cerceda
Cerceda (San Martiño) | As Encrobas (San Román) | Meirama (Santo André) | Queixas (Santa María) | Rodís (San Martiño) | Xesteda (Santa Comba)

Lugares de Cerceda

Para unha lista completa de todos os lugares do concello de Cerceda vexa: Lugares de Cerceda.