Clamidoseláquidos

A dos clamidoseláquidos (Chlamydoselachidae) é unha pequena familia de elasmobranquios (Elasmpobranchia) moi primitivos da orde dos hexanquiformes (Hexanchiformes), que comprende tan só un xénero extinto e outro con oito especies extintas e unha viva,^[1] Chlamydoselachus anguineus, o tiburón anguía, presente nas augas de Galicia,^[2][3] e outra máis, C. africana (o tiburón anguía surafricano), propia dos mares da África austral, que está en discusión.

Clamidoseláquidos (Chlamydoselachidae) Tiburóns anguía Rango fósil: cretáceo superior - actualidade [1]
Chlamydoselachus anguineus (tiburón anguía)
Clasificación científica
Reino: Animalia Filo: Chordata Subfilo: Vertebrata Clase: Chondrichthyes Subclase: Elasmobranchii Superorde: Selachimorpha Orde: Hexanchiformes Familia: Chlamydoselachidae Garman, 1884

As especies fósiles e a actual (ou actuais) difiren o suficiente dos outros hexanquiformes (familia dos hexánquidos) que o ictiólogo Shigeru Shirai propuxo recentemente crear unha orde particular para estas especies, a dos clamidoselaquiformes (Chlamydoselachiformes).

Especies

Xénero Chlamydoselachus Garman, 1884

• Chlamydoselachus africana Ebert & Compagno, 2009 (tiburón anguía surafricano, discutida)
• Chlamydoselachus anguineus Garman, 1884 (tiburón anguía)
• Chlamydoselachus bracheri † Pfeil, 1983
• Chlamydoselachus gracilis † Antunes & Cappetta, 2001
• Chlamydoselachus goliath † Antunes & Cappetta, 2001
• Chlamydoselachus fiedleri † Pfeil, 1983
• Chlamydoselachus lawleyi † Davis, 1887
• Chlamydoselachus thomsoni † Richter & Ward, 1990
• Chlamydoselachus tobleri † Leriche, 1929

Xénero Thrinax † Pfeil, 1983

• Thrinax baumgartneri † Pfeil, 1983