Comarca da Terra de Caldelas

A comarca da Terra de Caldelas é unha comarca galega situada no norte da provincia de Ourense. Pertencen a ela os concellos de Castro Caldelas, Montederramo, Parada de Sil e A Teixeira.

Para outras páxinas con títulos homónimos véxase: A Terra e Caldelas.

Comarca da Terra de Caldelas

Localización
42°24′N 7°30′O
Estado	España
Comunidade autónoma	Galicia
Provincia	provincia de Ourense
Capital	Castro Caldelas
Contén a división administrativa	A Teixeira Castro Caldelas Montederramo Parada de Sil
Poboación
Poboación	2.756 (2024) (8,8 hab./km²)
Xentilicio	Caldelao
Xeografía
Superficie	313,25 km²

Demografía

A comarca de Terra de Caldelas contaba en 2020 cunha poboación de 2.764 habitantes. A poboación menor de 15 anos era o 4,09% do total, o que representa uns niveis moi baixos en relación á media de Galicia (12,55%^[1]), mentres que pola outra banda o 45,22% contaba con máis de 65 anos, o que deixa unha poboación en idade de traballar dun 50,69%.^[2]

A idade media da poboación en 2020 era de 59,54 anos,^[2] que supera amplamente a media galega (47,48 anos^[3]).

Padrón municipal 2020	2.764 habitantes[2]
Menores de 15 anos	113 (4,09 %)
Entre 16 e 64 anos	1.401 (50,69 %)
Maiores de 65 anos	1.250 (45,22 %)

En relación ao movemento natural da poboación, no ano 2019 houbo 6 nacementos en toda a comarca e 66 defuncións, o que deixou un saldo vexetativo negativo de -60.^[2]

Galería de imaxes

Vexa o artigo principal na Galería de imaxes da comarca da Terra de Caldelas

• 
  Concellos de Terra de Caldelas