Corey Feldman

Corey Scott Feldman, nado nos Ánxeles o 16 de xullo de 1971 é un actor estadounidense. Alcanzou o estrelato moi novo na década de 1980, con papeis en películas como Gremlins (1984), Os Goonies (1985) e Conta comigo (Stand by Me, 1986).^[1][2] En 1987, Feldman protagonizou a película de terror The Lost Boys xunto con Corey Haim; os dous foron coñecidos como "The Two Coreys" e apareceron xuntos noutros filmes, incluíndo License to Drive (1988) e Dream a Little Dream (1989).

Corey Feldman

Biografía
Nacemento	16 de xullo de 1971 (54 anos) Os Ánxeles, Estados Unidos de América
Educación	Santiago High School (en)
Actividade
Ocupación	actor, actor de dobraxe, cantante, actor de teatro, produtor de televisión, actor de televisión, produtor de cinema, compositor, actor de cinema, director de cinema
Período de actividade	1979 -
Compañeiro profesional	Corey Haim: The Two Coreys (en)
Obra
Obras destacables (1981) The Fox and the Hound (1984) Gremlins (1985) Os Goonies (1986) Conta comigo (1987) The Lost Boys (pt) (1990-2007) Teenage Mutant Ninja Turtles (en)
Familia
Cónxuxe	Susie Feldman (2002–2009), divorcio Vanessa Marcil (1989–1993), divorcio
Pai	Bob Feldman
Premios
(2024)  Premio Máquina do Tempo
Sitio web	coreyfeldman.net

Traxectoria

Corey Scott Feldman é o segundo dos cinco fillos que naceron de Sheila e Bob Feldman, un músico que finalmente posuía a súa propia axencia de talentos.

Corey Feldman nos Premios da Academia de 1989.

Comezou a súa carreira aos seis anos no programa de televisión Mickey Mouse Club, nos anos 70.^[3] No cine, debutou na película Friday the 13th - The Final Chapter.^[4] Nesta película interpretou o papel de Tommy Jarvis, irmán da protagonista Trish Jarvis, interpretada por Kimberly Beck. Tamén traballou no vídeo musical Last Friday Night (TGIF) de Katy Perry, no que interpretou o papel de Kirk Terry, pai da protagonista Kathy Beth Terry (álter ego da cantante). En 2015, interpretou o papel de Magnus no Story Mode do videoxogo Minecraft de Telltale Games.

En marzo de 2018, o actor sufriu un ataque, ao ser apuñalado^[5] por unha persoa descoñecida, só unha semana despois de prestar testemuño á policía sobre os casos de pederastia que sufriu entre bastidores das películas que realizou nos anos 80^{[6] [7]} e de ameazas nas redes sociais.^[8]

Filmografía

• 1984 - Friday the 13th; The Final Chapter - Tommy
• 1984 - Gremlins - Pete
• 1985 - Friday the 13th: A New Beginning - Tommy
• 1985 - Os Goonies - Boca
• 1986 - Stand by Me - Teddy Duchamp
• 1987 - The Lost Boys - Edgar Frog
• 1988 - License to Drive - Dean
• 1989 - The 'Burbs - Rick
• 1990 - Exile / A Deserted Island Adventure - Schenke
• 1991 - Rock 'n' Roll High School Forever - Jesse Davis
• 1996 - Bordello of Blood - Caleb Verdoux
• 2000 - The Million Dollar Kid
• 2001 - Citizen Toxie: The Toxic Avenger IV - Dr.Kinky Finkelstein
• 2004 - Puppet Master vs Demonic Toys - Robert Toulon
• 2008 - Lost Boys 2: The Tribe - Edgar Frog
• 2010 - Lost Boys 3: The Thirst - Edgar Frog
• 2015 - Modo Historia de Minecraft - Magnus