Devolución en quente

En política migratoria, unha devolución sumaria, devolución en quente^[1] ou push-back é unha práctica pola que se expulsa de volta ao país de orixe a un individuo migrante ao entrar ilegalmente ao país de destino. Este procedemento prodúcese sen identificaren os migrantes nin sometérenos ás leis existentes de cada país sobre política de inmigración^[2].

Liña fronteiriza entre España e Marrocos en Ceuta, na que se produciron en diversas ocasións devolucións en quente.

O termo "devolución en quente" comezou a ser empregado polos medios de comunicación españois no ano 2005. Noutros países, como Portugal, os medios de comunicación adoptaron o termo inglés pushback ou optaron por empregar termos menos específicos coma "reenvíos ilegais"^[3].

As devolucións en quente considéranse que vulneran os dereitos humanos^[4] e violan as leis internacionais sobre migracións, aínda que diferentes tribunais de diversos países teñen avalado casos individuais deste tipo de prácticas como acorde coa legalidade.