Emilio Amor Rolán

Emilio Amor Rolán, nado en Ourense e finado na mesma cidade o 19 de maio de 1937^[1], foi un avogado, xornalista e político galego.

Emilio Amor Rolán

Biografía
Nacemento	? Ourense, España
Morte	19 de maio de 1937 (56/57 anos) Ourense, España
Lugar de sepultura	Cemiterio de San Francisco de Ourense
Gobernador civil da provincia de Murcia
22 de setembro de 1927 – 26 de marzo de 1928 ← Arturo Salgado Biempica
Gobernador civil da provincia de Huesca
1924 –
Actividade
Ocupación	avogado, político, xornalista, profesor de ensino secundario
Familia
Parentes	Eduardo Blanco Amor, curmán ou curmá de terceiro grao

Traxectoria

Nunha homenaxe a Marcelo Macías en 1917, de pé (de esq. a der.): Losada Diéguez, José Osorio Martínez, Julio A. Cuevillas, Emilio Vázquez Pardo e Jesús Soria. Sentados: Manuel Cambón Fraga, Antonio Gaite Lloves, Benito Fernández e Emilio Amor.

Estudou dereito, pero non exerceu. Foi catedrático de Escolas Normais, e logo de dar clase na Coruña e León dirixiu a Escola Normal de Ourense. Na ditadura de Primo de Rivera foi deputado provincial e Gobernador civil de Huesca (1924-1927) e Murcia (1927-1929). O 6 de setembro de 1924 recibiu unha homenaxe en Maside.

Colaborou en Heraldo Orensano e en Galicia. Diario de la mañana, onde en 1930 publicou o artigo "¿Hacia la unificación de la ortografía gallega?", comentando a proposta ao respecto de Antonio Couceiro Freijomil. Fixo o epílogo do libro Del Orense antiguo de José Adrio Menéndez (1935).

Vida persoal

Lápida da tumba no Cemiterio de San Francisco

Fillo de Juan Manuel Amor Pereira. Casou con Obdulia Vázquez García, de Maside.