Enforcamento

O enforcamento ou aforcamento é a suspensión dunha persoa por unha ligadura para producir a morte por suspensión do corpo dende o pescozo.^[1][2][3] A suspensión pódese facer nunha forca ou culquera outro punto de suxeición a altura dabondo e resistencia ó peso.

Enforcamento, gravado de Francisco de Goya.

O enforcamento tamén foi empregado como un xeito de suicidio no cal a persoa aplica unha ligadura ó pescozo até que se presenta a inconsciencia e despois a morte por medio de suspensión parcial ou por mor do soporte do peso na ligadura. Este xeito foi máis adoito en prisións e outras institucións, onde é difícil levar a cabo unha suspensión completa. O primeiro uso coñecido nese sentido foi en 1325.^[1]