Fats Domino

Antoine Dominique "Fats" Domino Jr., nado en Nova Orleáns (Luisiana) o 26 de febreiro de 1928^[1] e finado na mesma cidade o 25 de outubro de 2017, foi un pianista, cantante e compositor de R&B e rock and roll estadounidense.

Fats Domino

Biografía
Nacemento	(en) Antoine Dominique Domino Jr. 26 de febreiro de 1928 Nova Orleáns, Estados Unidos de América
Morte	24 de outubro de 2017 (89 anos) Harvey, Estados Unidos de América (pt)
Causa da morte	fallo orgánico
Lugar de sepultura	Mount Olivet Cemetery (en)
Outros nomes	Fats Domino
Residencia	Nova Orleáns
Grupo étnico	Afroamericano
Actividade
Lugar de traballo	Nova Orleáns
Ocupación	cantante, cantautor, músico de jazz, pianista, compositor
Período de actividade	1949 -
Membro de	American Federation of Musicians. Local 496 (New Orleans, La.) (en)
Xénero artístico	Rock and roll, Rhythm and blues, Boogie-woogie e jazz
Influencias	Amos Milburn
Tesitura	Barítono
Instrumento	Piano e voz
Selo discográfico	Imperial Polydor ABC Records Philips London Records Mercury Records Reprise Records
Obra
Arquivos en	University of Maryland Libraries (en)
Premios
(1987)  Grammy á carreira artística (1986)  Salón da Fama do Rock  estrela no Paseo da Fama de Hollywood  Medalla Nacional das Artes
Descrito pola fonte	Obálky knih, Biographical Dictionary of Afro-American and African Musicians
Sitio web	fatsdominoofficial.com

Ningún outro artista veterano do R&B da súa época conseguiu un maior impacto no rock'n'roll ca el, como o demostra a ampla variedade de artistas que versionearon os seus temas: dende Bobby Darin, Ella Fitzgerald, Ricky Nelson, Ike Turner e Tina Turner até John Lennon, Paul McCartney, Sheryl Crow, T. Rex, Los Lobos e Cheap Trick.

Traxectoria

Medrou na súa cidade natal, e foi entregado á casa da súa avoa paterna. Ao igual que o que pasaba con moitas familias do barrio Lower Ninth Ward, a de Domino acababa de chegar dende Vacherie. Seu pai era un coñecido violinista que inspirouno a tocar un instrumento. Finalmente aprendeu do seu tío, o guitarrista de jazz Harrison Verrett.

En 1949, con Dave Bartholomew, compuxo e gravou The Fat Man (en realidade unha versión de Junker's Blues de Jack Dupree, á que Dave lle cambiara a letra)^[2] que é considerada a primeira gravación dun rock.^[3] Nese momento comezou a súa verdadeira carreira. Vendeu máis dun millón de copias e chegou ao número 2 das listas de R&B.^[4]

Fats publicou cinco discos de ouro antes de 1955, e tivo 35 cancións no top 40 dos éxitos estadounidenses. O estilo de Domino está baseado no conxunto de R&B tradicional formado por contrabaixo, piano, guitarra eléctrica, batería e saxofón.