Fernando Olmedo Reguera

Fernando Olmedo Reguera, nado en Santiago de Compostela o 10 de xaneiro de 1873 e finado en Madrid o 12 de agosto de 1936, foi un frade e xornalista galego.

Fernando Olmedo Reguera

Biografía
Nacemento	10 de xaneiro de 1873 Santiago de Compostela, España
Morte	12 de agosto de 1936 (63 anos) Madrid, España
Causa da morte	execución extraxudicial, ferida por arma de fogo
Lugar de sepultura	basílica de Jesús de Medinaceli
Relixión	Igrexa católica
Actividade
Ocupación	xornalista
Orde relixiosa	Orde dos Freires Menores Capuchinos
Enaltecemento
2013 - beato
Día de festividade relixiosa	2 de agosto

Traxectoria

Fillo de Fernando Olmedo e Elisa Reguera, propietarios dos almacéns Olmedo da vila de Pontevedra. Nesta cidade fundou o Círculo Católico de Obreros e colaborou en El Criterio Gallego e El Áncora, do que tamén foi director. Tamén colaborou en El Pensamiento Galaico e El Alcance de Santiago de Compostela. Doutorouse en Dereito, e o 15 de febreiro de 1901 ingresou na orde dos capuchinos, sendo ordenado presbítero o 31 de xullo de 1904.

Foi asasinado durante a guerra civil española, e soterrárono na cripta da basílica de Xesús de Medinaceli de Madrid. Foi beatificado o 3 de outubro de 2013.^[1]. Na cidade de Pontevedra unha rúa leva o nome Padre Fernando Olmedo.^[2]