Flavobacterium

Flavobacterium é un xénero de bacterias gramnegativas, con forma de bacilo con especies móbiles e non móbiles, que consta de 130 especies recoñecidas (http://www.bacterio.net/flavobacterium.html),^[1] e de 3 especies novas propostas (F. gondwanense,^[2] F. salegens,^[2] e F. scophthalmum^[3]). As flavobacterias atópanse no solo e auga doce en diversos ambientes. Varias especies causan doenzas en peixes de auga doce.^[4]

Flavobacterium
Clasificación científica
Dominio: Bacteria Filo: Bacteroidetes Clase: Flavobacteria Orde: Flavobacteriales Familia: Flavobacteriaceae Xénero: Flavobacterium Bergey, et al. 1923
Especies
F. akiainvivens F. aquatile F. aureus F. balustinum F. branchiophilum F. breve F. columnare F. flevense F. gondwanense F. hydatis F. johnsoniae F. multivorum F. okeanokoites F. pectinovorum F. psychrophilum F. saccharophilum F. salegens F. scophthalmum F. succinans

Flavobacterium psychrophilum causa doenzas na troita arco da vella e outros salmónidos. Flavobacterium columnare causa unha enfermidade en peixes de auga doce, como os siluriformes. Flavobacterium branchiophilum causa nas troitas unha enfermidade nas branquias.

A especie tipo do xénero é Flavobacterium aquatile (Frankland e Frankland 1889) Bergey et al. 1923. O nome do xénero significa "bacteria amarela".^[5]