TvG2

A tvG2^[1], ata setembro do 2009 chamada G2, é a segunda canle de televisión da Corporación de Radio-Televisión de Galicia.

TvG2
Instancia de	Canle de televisión
Lingua usada	lingua galega
Persoas e organizacións
Propietario/a	Corporación de Radio e Televisión de Galicia
Data
Fundación	2 de febreiro de 2009
Localización
País	España
Sede	Santiago de Compostela
Fontes e ligazóns
Páxina WEB	agalega.gal
Streaming	URL de emisión
[ Wikidata ]

Características

A súa programación de luns a venres está enfocada a un público infantil e xuvenil, e ten tamén espazos culturais e de divulgación. A fins de semana céntrase no ámbito deportivo, incluíndo retransmisións da Primeira RFEF, da Segunda RFEF, da Terceira RFEF, da Liga Galega de Traiñeiras, da Liga ACT e do Campionato Mundial de Motocrós entre outras.

A canle emite só en TDT as 24 horas do día, desde que o 14 de setembro de 2009 se presentase a nova grella de programación, na que a G2 é unha canle con programación completa. A súa cota de pantalla é do 0,8%.

En setembro do 2009 a canle cambiou o seu nome de G2 a tvG2.