GNU Hurd

GNU Hurd é o microkernel^[1] multiservidor que desenvolve o Proxecto GNU da Free Software Foundation.^[2][3] Está pensado como substituto do núcleo Unix e libérase con licenza GNU. Malia que o kernel de Linux se converteu na solución máis viable no proxecto GNU, o desenvolvemento de GNU Hurd continúa arestora só que a modo.^[4]

GNU Hurd
Instancia de	micronúcleo (pt) , Kernel, pacote GNU (pt) e software libre
Subclase de	Unix-like
Epónimo	Rabaño
Licenza	Licença Pública Geral GNU, versão 2.0 ou posterior (pt)
Versións 0.9 versión estábel (18 de decembro de 2016) 0.8 versión estábel (18 de maio de 2016) 0.7 (31 de outubro de 2015) 0.6 (10 de abril de 2015) 2025 (agosto de 2025)
Composto por  GNU Mach (pt)
Características
Plataforma	Intel Architecture
Linguaxe de programación	C e linguaxe ensambladora
Persoas e organizacións
Desenvolvedor	Proxecto GNU e Thomas Bushnell (pt)
Fontes e ligazóns
Páxina WEB	gnu.org…
Repositorio	git.savannah.gnu.org…
[ Wikidata ] [ G:Commons ] [ C:Commons ]

GNU Hurd consiste nunha serie de protocolos e procesos de servidor (ou daemons) que se executan no microkernel GNU Mach.^[5] Hurd intenta superar en funcionalidade ao kernel de Unix, e en estabilidade, máis sen perder a compatibilidade con este. O Proxecto GNU, con desenvolvedores a favor desde a década dos 1980, escolleu a opción de ser multiservidor pola aparente vantaxe sobre das arquitecturas traducionais monolíticas de Unix.^[4]

Nome e logo

Thomas Bushnell, do alcume BSG e o primeiro arquitecto do Hurd dixo en 1991, describiu a Hurd como unha acrimonia mutuamente recursiva:^[6]

É tempo de explicar que é "Hurd". "Hurd" significa «Hird of Unix-Replacing Daemons» [daemons Hird, ou o caseiro, para a substitución en Unix]. E, co cal, "Hird" significa «Hurd of Interfaces Representing Depth» [Hurd para a representación profunda das interfaces]. Aquí temos, ata onde eu entendo, o primeiro software que recibe o nóme dun mutuo par de acrónimos recursivos

Thomas Bushnell

O logotipo son as caixas Hurd e reflicten a arquitectura do sistema. No logo móstranse os noodos dos servidores do núcleo de Hurd e a comunicación entre eles, por pontes directas entre procesos ou mensaxes IPCs.^[6]

Características

GNU Hurd é unha colección de servidores que corren no microkernel Mach para poñer en funcionamento sistemas de ficheiros, protocolos de rede, control de acceso a ficheiros, e outras funcións que están postas en funcionamento polo kernel Unix ou por kernels similares (coma o Linux). O Proxecto GNU estívose desenvolvendo dende 1990 como software libre, distribuíndose baixo a licenza GPL. Hurd intenta superar ós kernel tipo Unix en canto a funcionalidade, seguridade e estabilidade, aínda manténdose compatible con eles. Isto lógrase grazas a que Hurd pon en funcionamento a especificación POSIX, entre outras, pero eliminando as restricións arbitrarias ós usuarios.

GNU Hurd está orientado a ter unha programación e un ambiente de usuario familiares para múltiples propósitos. O Hurd utiliza desenvolvemento para plataformas IA-32, i686 en Assembly e C. Coa librería de C para GNU deséñanse as liñas estándar coma as ANSI/ISO, BSD, POSIX, Single Unix, SVID, e a X/Open. Hurd ten unha estrutura orientada a obxectos.^{[Cómpre referencia]} As interfaces do Hurd están deseñadas para permitir redes agrupadas (colectivas), aínda que esta función aínda non foi posta en funcionamento.