Gerhard Rohlfs

Gerhard Rohlfs, nado en Berlín o 14 de xullo de 1892 e finado en Hirschau o 12 de setembro de 1986, foi un filólogo, lingüista e glotólogo alemán. Foi docente das universidades alemás de Múnic e Tubinga. Humanista de vasta cultura e amplos intereses, ten sido denominado o arqueólogo das palabras.

Para o artigo sobre o xeógrafo que explorou África, véxase Friedrich Gerhard Rohlfs.

Gerhard Rohlfs

Biografía
Nacemento	14 de xullo de 1892 Berlín (Reich Alemán)
Morte	12 de setembro de 1986 (94 anos) Tubinga, Alemaña
Membro da Academia de Atenas
Datos persoais
Educación	Universidade Humboldt de Berlín Universidade de Grenoble Alpes
Cor do pelo	Louro
Actividade
Campo de traballo	Filólogo
Lugar de traballo	Múnic Tubinga
Ocupación	lingüista, profesor universitario, romanista
Empregador	Universidade de Tubinga Universidade de Múnic
Membro de	Sección Filolóxica do Institut d'Estudis Catalans (membro correspondente do Institut d'Estudis Catalans) (1950–) Real Academia das Ciencias de Suecia Academia de Atenas Academia de Ciencias de Baviera Accademia Nazionale dei Lincei Accademia della Crusca
Familia
Fillos	Eckart Rohlfs
Premios
Orde do Mérito de Baviera  Orde das Palmas Académicas  Ordre des Arts et des Lettres  Cruz da Orde do Mérito da República Federal de Alemaña  doutor honoris causa pola Universidade de Atenas
Sinatura

Traxectoria

Estudos e investigacións

O seu inicio nos estudos lingüísticos comezou sobre a guía de Karl Jaberg e Jakob Jud, dos que recibiu o encargo de acometer un amplo estudo dos dialectos da Italia meridional, acabando laureado por unha tese titulada Griechen und Romanen in Unteritalien ( Gregos e romanos na Baixa Italia), publicada no 1924.

Ocupouse de glotoloxía e lingüística das linguas románicas e dos seus dialectos, principalmente dos pertencentes ás áreas lingüísticas da Italia meridional, nomedamente da áreas calabro-lucana e salentina (dialecto calabrés, salentino e cilentano). Publicou dous vocabularios completos do dialecto calabrés (Milán, 1938-1939) e do salentino (Múnic, 1956-1961).

Fundamental é a súa monumental obra en tres volumes Historische Grammatik der italienischen Sprache und ihrer Mundarten. Lehnen, München, 1949-1954 (Gramática histórica do idioma italiano e os seus dialectos), máis tarde traducida ao italiano.

Ocupouse extensamente da lingua grecánica, é dicir, o grego falado aínda en comunidades da Italia meridional, sostendo a tese^[1] de que os usuarios desa lingua eran descendentes dos colonos helenos da Magna Grecia, opóndose á teoría de Giuseppe Morosi, quen sostiña, por contra, a descendencia de bizantinos, na estela das emigracións gregas dos séculos IX a XVI.

Recoñecemento

No 1974 un xurado designado polo Prof. Alessandro Faedo, Reitor da Universidade de Pisa, concedeulle o Premio Forte dei Marmi, na especialidade de Historia da Lingua Italiana.
O 14 de xullo de 2002, en ocasión do 110 aniversario do seu nacemento, o concello de Badolato deulle o seu nome á praza sita endiante das escolas elementais.
En Calabria G. Rohlf recibiu a cidadanía de honra dos concellos de Bova (1966), Candidoni (1979), Tropea e Cosenza (1981).