God Forbid

God Forbid é un grupo de heavy metal estadounidense formado no 1996 en East Brunswick, Nova Jersey.

God Forbid
Orixe	East Brunswick, Nova Jersey, Estados Unidos
Xénero(s)	death metal melódico[1][2] Metalcore[1][2] Thrash metal[1]
Selo(s) discográfico(s)	Century Media We Put Out Records 9 Volt
Membros	Byron Davis Dallas Coyle Doc Coyle John Outcalt Corey Pierce
Na rede
http://www.godforbid1.com

Historia

Nos seus comezos realizaron xiras con grupos coma GWAR, Nile, Cradle of Filth e Candiria. O seu primeiro álbum de estudio, Reject the Sickness, comercializouse por 9 Volt Records no 1999. Posteriormente o grupo firmou con Century Media Records, lanzando o seu disco Determination en 2001. Tocaron no tour Headbanger's Ball da MTV2 con Shadows Fall e Lamb of God.

No 2004 gravaronGone Forever, e ao ano seguinte IV: Constitution of Treason. Este foi o seu primeiro álbum en entrar na lista de éxitos Billboard 200, debutando no posto 118. O seu quinto álbum de estudio, Earthsblood, saíu ao mercado o 24 de febreiro de 2009.

No 2009 comezaron unha xira por Europa chamada There Goes the Neighborhood encabezada por Ill Niño e xunto a Exilia, sendo un dos concertos da xira en Vigo o 13 de marzo.

Membros

• Byron Davis - vocalista
• Dallas Coyle - guitarra, voces
• Doc Coyle - guitarra, voces
• John Outcalt - baixo
• Corey Pierce - batería

Álbums

• Reject the Sickness - 1999
• Determination - 2001
• Gone Forever - 2004
• IV: Constitution of Treason - 2005
• Earthsblood - 2009