Hydrophiloidea

Hydrophiloidea (hidrofiloideos), é unha superfamilia de escaravellos coñecidos na literatura como escaravellos acuáticos preeiros. Ata recentemente comprendía só unha única familia, Hydrophilidae, pero varias das subfamilias da anterior foron ascendidas ao nivel de familia dentro desta superfamilia.^[1] Os Hydrophiliidae seguen sendo con grande diferenza os máis nemerosos do grupo, con case 3000 especies descritas. As outras familias non teñen máis de 400 especies.^[2] Os Histeroidea están estreitamente emparentados e ás veces son considerados parte duns Hydrophiloidea sensu lato.^[1] A maioría do clado é acuático, que se pensa que é a ecoloxía ancestral do grupo, pero algunhas liñaxes como Sphaeridiinae fixéronse secundariamente terrestres. Os representantes modernos do grupo apareceron durante o Xurásico tardío.^[3]

Hydrophiloidea
Varios Hydrophiloidea de Europa Central coas súas larvas e detalles anatómicos
Clasificación científica
Reino: Animalia Filo: Arthropoda Clase: Insecta Orde: Coleoptera Suborde: Polyphaga Infraorde: Staphyliniformia Superfamilia: Hydrophiloidea Latreille, 1802
Familias
Varias, ver texto

Comprende as familias seguintes:^[1]

• Epimetopidae
• Georissidae
• Helophoridae
• Hydrochidae
• Hydrophilidae
• Spercheidae

Xéneros extinguidos

• †Laetopsia Fikácek et al. 2012 formación Yixian, China, formación Shinekhudag, formación Dzun-Bain Mongolia, formación Zaza, Rusia, Cretáceo temperán (Aptiano)
• †Cretotaenia Ponomarenko 1977, formación Zaza, Rusia, Cretáceo temperán (Aptiano)
• †Hydrophilopsia Ponomarenko 1987, formación Glushkovo, Rusia, Xurásico tardío (Tithoniano), formación Turga, Rusia, Cretáceo temperán (Aptiano).