Polyphaga

Os Polyphaga (polífagos) son a maior e máis diversa das subordes de escaravellos. Comprende 144 familias en 16 superfamilias, e mostra unha enorme variedade de especializacións e adaptacións, cunhas 350 000 especies descritas ou aproximadamente o 90% das especies de escaravellos ata agora descubertos.

Non confundir con Polifaxia.

Non confundir con Polyphaga (xénero), xénero de cascudas (Blattodea).

Polyphaga Rango fósil: Triásico-Presente PreЄ Є O S D C P T J K Pg N
Cetonia aurata
Clasificación científica
Reino: Animalia Filo: Arthropoda Clase: Insecta Orde: Coleoptera Suborde: Polyphaga Emery, 1886
Infraordes
Bostrichiformia Cucujiformia Elateriformia Scarabaeiformia Staphyliniformia

As características clave dos Polyphaga son que a coxa traseira (base da pata) non divide a primeira e segunda placas abdominais/ventrais chamadas esternitos. Ademais a sutura notopleural (que se atopa baixo o escudo pronotal) non está presente.^[1]

Etimoloxía

O nome polyphaga deriva de dúas palabras gregas: poly-, que significa 'moitas' e phagein, que significa 'comer', polo que significa “comedores de moitas cousas”. Téñase en conta que en zooloxía polífago é un termo xeral aplicable a animais que comen varias cousas completamente distintas, pero aquí ten un significado taxonómico específico (un grupo de coleópteros que se alimenta así). Tamén hai un xénero de cascudas que se chama Polyphaga.

Clasificación

As cinco principais infraordes son:

• Bostrichiformia
• Cucujiformia
• Elateriformia
• Scarabaeiformia
• Staphyliniformia

Os studos filoxenéticos indican que Scirtoidea (Scirtidae, Decliniidae), Clamboidea (Clambidae, Derodontidae, Eucinetidae), Rhinorhipus e Nosodendridae poderían ser liñaxes independentes de Polyphaga, que quedaría fóra destes grupos.^[2]

A clasificación interna de Polyphaga comprende varias superfamilias ou series, cuxos constituíntes son relativamente estables, aínda que algunhas pequenas familias máis pequenas (cuxo rango é discutido) son situadas en diferentes clados por diferentes autores. As grandes superfamilias son: Hydrophiloidea, Staphylinoidea, Scarabaeoidea, Buprestoidea, Byrrhoidea, Elateroidea e Bostrichoidea.

A infraorde Cucujiformia inclúe a vasta maioría dos escaravellos fitófagos (que comen plantas), que teñen en común posuír túbulos de Malpighio criptonéfricos de tipo normal, un omatidio cónico cun rabdoma aberto e carecer de espiráculos funcionais no oitavo segmento abdominal. As superfamilias que constitúen Cucujiformia son: Cleroidea, Cucujoidea, Tenebrionoidea, Chrysomeloidea e Curculionoidea. Evidentemente, a adopción dun estilo de vida fitófago correlaciónase coa diversidade de taxons nos escaravellos, con Cucujiformia, especialmente os gurgullos (Curculionoidea), formando unha gran radiación.