Jared Sullinger

Jared Sullinger, nado o 4 de marzo de 1992 en Columbus, Ohio, é un xogador americano de baloncesto profesional que xoga nos Shenzhen Leopards da Chinese Basketball Association (CBA).

Jared Sullinger

Biografía
Nacemento	4 de marzo de 1992 (33 anos) Columbus, Estados Unidos de América
Grupo étnico	Afroamericano
Educación	Universidade Estatal de Ohio Northland High School (en)
Altura	206 cm
Peso	118 kg
Actividade
Ocupación	baloncestista
Período de actividade	2012 -
Nacionalidade deportiva	Estados Unidos de América
Deporte	baloncesto
Liga	NBA G League, Baloncesto masculino da División I da NCAA e National Basketball Association
Posición de xogo	Ala-pivote
Número deportivo	0
Convocado por	Boston Celtics
Traxectoria   Equipo – Boston Celtics 2010–2012 Ohio State Buckeyes
Familia
Irmáns	J.J. Sullinger
Premios
USBWA National Freshman of the Year (en)

Instituto

No seu derradeiro ano de instituto, Sullinger liderou ó Northland High School a unha marca de 21-0 e ó número 1 do ránking nacional. Acadou 24.5 puntos e 11.7 rebotes nesa tempada.^[1] Foi seleccionado ademais para xogar o All-American Game de 2010 en Columbus, Ohio,^[2] onde foi elixido co-MVP xunto a Harrison Barnes.^[3] Foi tamén seleccionado para xogar o Nike Hoop Submit no Rose Garden en Portland, Oregón,^[4] e o Jordan Brand Classic no Madison Square Garden en Nova York.^[5]

O 10 de marzo de 2010, Sullinger gañou o premio James A. Naismith, que se entrega ó mellor xogador de baloncesto do ano no instituto.^[1]

Traxectoria universitaria

Freshman

Sullinger conseguiu 19 puntos e 14 rebotes no seu debut con Ohio State.^[6] Na tempada 2010-11, Sullinger acadou 17.2 puntos, 10.2 rebotes e 1.2 asistencias en 31.7 minutos de xogo para os Buckeyes. Ohio State rematou a tempada cun 32-2, conseguiron a primeira praza para o torneo de 2011 da NCAA. Os Buckeyes conseguiron chegar ó 'Sweet Sixteen', onde perderon contra os Kentucky Wildcats por 62-60. Sullinger foi elixido no primeiro equipo All-America por Fox Sports.^[7]

Sophomore

No que sería o seu derradeiro ano en Ohio State, Sullinger liderou ós Buckeyes a unha marca de 31-8, con 17.5 puntos e 9.3 rebotes por partido na 2011-12. Os Buckeyes chegaron á 'Final Four' do Torneo da NCAA de 2012, onde perderon contra os Kansas Jayhawks. Nese partido, Sullinger anotou 13 puntos e capturou 11 rebotes, con 5 tiros anotados de 19 intentos. Cinco días despois da derrota, o ala-pivote declarouse elixible para o Draft da NBA de 2012.^[8]

Traxectoria profesional

O 28 de xuño de 2012, Sullinger foi elixido na 21ª posición do Draft da NBA de 2012 polos Boston Celtics. O 3 de xullo, asinou o seu contrato cos Celtics.^[9] O 9 de xullo de 2012, fixo o seu debut cos Celtics na Summer League de Orlando, onde anotou 20 puntos, con 6 de 12 tiros anotados e 7 de 7 tiros libres, e capturou 6 rebotes en 24 minutos de xogo.

O 14 de xullo de 2016, Sullinger asinou cos Toronto Raptors.^[10]