Joan Capdevila

Joan Capdevila Méndez, nado en Tàrrega (Lleida) o 3 de febreiro de 1978, é un futbolista español. Xoga de lateral esquerdo e o seu actual equipo é o FC Santa Coloma.

Joan Capdevila

Biografía
Nacemento	3 de febreiro de 1978 (47 anos) Tàrrega, España
Altura	182 cm
Peso	79 kg
Actividade
Ocupación	futbolista
Nacionalidade deportiva	España
Deporte	fútbol
Posición de xogo	Lateral
Número deportivo	6
Traxectoria   Equipo 1996–1997 UE Tàrrega 34 (3) 1997–1998 RCD Espanyol B 45 (4) 1998–1999   RCD Espanyol 29 (4) 1999–2000   Atlético de Madrid 31 (2) 2000–2007   Deportivo da Coruña 179 (15) 2007–2011   Villarreal Club de Fútbol 140 (15) 2011–2012 Sport Lisboa e Benfica 5 (0) 2012–2014   RCD Espanyol 31 (0) 2014–2014 NorthEast United FC 12 (0) 2015–2015 Lierse SK 4 (0) 2016–2017 FC Santa Coloma 2 (2)   Selección nacional 1998–2000   España sub-21 13 (0) 2000–2000   España sub-23 4 (0) 2002–2011   España 60 (4) 2002–2013   Cataluña 10 (0)
Participou en
2010	Mundial de Fútbol Suráfrica 2010
2009	Copa Confederacións Suráfrica 2009
xuño de 2008	Eurocopa de Fútbol Austria/Suíza 2008
2004	Eurocopa de Fútbol Portugal 2004
2000	Xogos Olímpicos de 2000
Premios
Medalla de Ouro da Real Orde do Mérito Deportivo

En 2010 proclamouse campión da Copa Mundial de Fútbol coa selección española.

Traxectoria

Produto da canteira do RCD Espanyol, debutou co RCD Espanyol B na tempada 1997–98. Ao ano seguinte debutou co Espanyol en Primeira División nun partido contra o Athletic Club (2–2). Na tempada 1999–00 foi contratado polo Atlético de Madrid.

Tras o descenso do Atlético de Madrid a Segunda División, Capdevila firmou co Deportivo da Coruña no verán de 2000. No club galego, ademais de ter un xogo regular e perfilarse como unha peza clave no equipo, gañou unha Copa do Rei e dúas Supercopas de España.

Na tempada 2007–08 firmou por tres anos co Villarreal CF, xogando practicamente tódolos partidos.

Selección nacional

Capdevila debutou coa selección española o 16 de outubro de 2002, nun partido no que España empatou ante Paraguai (0–0), nun partido amigable disputado en Logroño (A Rioxa). O 17 de novembro de 2007 marcou o seu primeiro gol como internacional absoluto fronte a Suecia no Estadio Santiago Bernabéu.

Foi seleccionado polo técnico Luis Aragonés para disputar a Eurocopa 2008 de Austria e Suíza. O 29 de xuño de 2008, Capdevila proclamouse xunto ao seu equipo, campión da Eurocopa 2008 ante a Selección de fútbol de Alemaña. Capdevila disputou os 90 minutos da final. En xuño de 2009 disputou a Copa Confederacións en Suráfrica.

O 11 de xullo de 2010 proclamouse campión da Copa Mundial de Fútbol coa selección española en Suráfrica. Joan Capdevila, Iker Casillas e Gerard Piqué foron os únicos xogadores da selección española que disputaron todos os minutos do Mundial de Suráfrica 2010.

Tamén xogou oito partidos internacionais amigables coa selección de Cataluña.

Goles internacionais

#	Data	Lugar	Rival	Gol	Resultado	Competición
1.	17 de novembro de 2007	Estadio Santiago Bernabéu, Madrid, España	Suecia	1–0	3–0	Clasificación para a Eurocopa 2008
2.	6 de febreiro de 2008	Estadio La Rosaleda, Málaga, España	Francia	1–0	1–0	Amigable
3.	31 de maio de 2008	Estadio Nuevo Colombino, Huelva, España	Perú	2–1	2–1	Amigable
4.	10 de setembro de 2008	Estadio Carlos Belmonte, Albacete, España	Armenia	1–0	4–0	Clasificación para o Mundial 2010

Palmarés

Persoal

Deportivo

• Copa do Rei: 2001–02
• Supercopa de España: 2000, 2002

Benfica

• Taça da Liga: 2011–12

Internacional

• Mundial de Fútbol: 2010.
• Eurocopa: 2008.
• Copa Confederacións: Terceiro posto en 2009.
• Xogos Olímpicos: Medalla de prata en 2000.

Véxase tamén

Ligazóns externas

• Datos do xogador en bdfutbol.com (en castelán)