Johan Servando

Johan Servando foi un xograr galego da lírica galego-portuguesa, activo no terceiro cuartel do século XIII. É o autor do que máis cantigas de romaría consérvanse.^[1]

Johan Servando

Biografía
Nacemento	século XIII
Actividade
Ocupación	trobador

Cancioneiro da Biblioteca Nacional ou Cancioneiro Colocci-Brancuti: B 1142.

Traxectoria

Nas súas composicións canta á ermida de San Servando, polo que se pensa que podería ser de Muíños (onde hai unha capela con esa advocación no lugar de Pazos, na parroquia de Barxés)^[2]. Nas súas composicións satíricas dá a entender que frecuentou a corte de Castela.^[3]

Obra

É autor de 22 textos: 17 cantigas de amigo^[4] (case todas elas cantigas de romaría, adicadas á ermida de San Servando), 2 cantigas de amor, 3 cantigas de escarnio,^[5] dúas delas contra a avaricia dun infanzón e outra contra a inexperiencia dun cabaleiro novato.