Jordi Rebellón

Jordi Rebellón López, nado en Barcelona o 15 de febreiro de 1957 e finado en Madrid o 8 de setembro de 2021, foi un actor catalán, coñecido especialmente polo seu papel de Rodolfo Vilches en Hospital Central.

Jordi Rebellón

(2015)
Biografía
Nacemento	(es) Jordi Rebellón López 15 de febreiro de 1957 Barcelona, España
Morte	8 de setembro de 2021 (64 anos) Madrid, España
Causa da morte	ictus
Actividade
Ocupación	actor de cinema, actor de teatro, actor de televisión

Traxectoria

Recibiu formación como actor na Escola de Actores de Barcelona. Comezou tarde a súa carreira interpretativa, e antes traballara nun banco. Malia isto, ten unha extensa traxectoria tanto en cine coma en teatro á marxe da televisión, onde tamén tivo un papel fixo nas últimas temporadas de Médico de familia. Acadou sona grazas ó seu papel na exitosa serie de Telecinco Hospital Central interpretando ao doutor Rodolfo Vilches, que participou en máis de 200 capítulos.

En cine cabe salientar a súa participación en películas coma Todo Falso (Raimon Masllorens, 1993), Adiós Tiburón (Carlos Suárez, 1996), ou, máis recentemente, GAL (Miguel Courtois, 2006).

Ademais, traballou detrás das cámaras como guionista, axudante de dirección ou coordinador de espectáculos teatrais.

Recibiu formación de canto, baile e voz, ademais da interpretativa.

Cine

• Todo Falso (Ni un pam de net) (1993), de Raimon Masllorens
• J.V. (1993), de Isabel Gardela (curtametraxe).
• Mal de amores (1993), de Carlos Balagué.
• Adiós Tiburón (1996), de Carlos Suárez
• Reflejos de una dama (2001), de David Mataró (curtametraxe).
• Ausencias (2001), de Nely Reguera (curtametraxe).
• Roma no paga traidores (2002), de Alejandro Ripoll Carrasco (curtametraxe).
• GAL (2006), de Miguel Courtois.

Televisión

• Estació d'enllaç (1994). Personaxe episódico. Televisió de Catalunya (TV3).
• Sitges (1996). Personaxe episódico. Televisió de Catalunya (TV3).
• Médico de familia (1999). Como Ángel Valverde. Telecinco.
• Petra Delicado (1999). Personaxe episódico. Telecinco.
• Mediterráneo (2000). Personaxe episódico. Telecinco.
• Hospital Central (2000-2012). Como Rodolfo Vilches. Telecinco.
• La Sagrada Família (2010). Como Robert.
• Libres (2013)
• Amar es para siempre (2013-2014). Como Luis Ardanza. Antena 3.
• Sin identidad (2014-). Como Francisco José Fuentes. Antena 3.

Teatro

• Quan Spidoux S'adorm
• Don Joan Moliere
• L’hostal de la Gloria
• Taxi a l'Apolo
• La filla de la mar
• Miles gloriosus
• El barbero de Sevilla
• Aquí no paga nadie (2005)

Outros

• Participou no videoclip da canción "Big Mistake" de Natalie Imbruglia en 1997.

Premios

• Premio Zapping ó mellor actor por Hospital Central en 2003.
• Nomeamento ó Fotograma de Prata ó mellor actor por Hospital Central en 2006.

Véxase tamén

Ligazóns externas

• IMDb
• Todo Tele
• Ficha do actor