José Luis Bugallal Marchesi

José Luis Bugallal Marchesi, tamén chamado Marathon, nado na Coruña o 18 de setembro de 1899 e finado na mesma cidade o 26 de decembro de 1989, foi un xornalista e escritor galego.

José Luis Bugallal Marchesi

Biografía
Nacemento	18 de setembro de 1899 A Coruña, España
Morte	26 de decembro de 1989 (90 anos) A Coruña, España
Actividade
Ocupación	xornalista
Membro de	Real Academia Galega (académico de número) (1951–1989) Real Academia Galega (membro correspondente) (1942–1951)
Familia
Fillos	Isabel Bugallal Vela
Pai	Isidoro Bugallal
Irmáns	Javier Bugallal Pérez de Castro

Traxectoria

Naceu no seo dunha familia de xornalistas. O seu bisavó fora Isidoro Araújo de Lira, xornalista galegocubano de Bouzas, e o seu pai o tamén xornalista Isidoro Bugallal. Estudou o bacharelato en Alemaña e licenciouse en Dereito pola Universidade de Santiago de Compostela^[1]. Como xornalista, colaborou con medios locais, como El Noroeste, El Orzán e Marineda, e tamén no ABC e na Hoja del Lunes de Madrid, pero o seu xornal principal, onde desenvolveu case toda a súa carreira, foi El Ideal Gallego. Dedicouse sobre todo ao xornalismo deportivo.

Tumba no cemiterio de Santo Amaro da Coruña.

En 1951 ingresou na Real Academia Galega a proposta de Manuel Casás, Francisco Vales Villamarín e Ángel del Castillo López^[2]. Tamén foi membro da Real Academia de Belas Artes Nosa Señora do Rosario e correspondente da Real Academia de Belas Artes de San Fernando.

Vida persoal

Casado con Adela Vela Lojo, foi pai de Jaime, Isabel, Luisa, Pilar e José Luis Bugallal Vela.

Obras

• El coloso de Rande, 1927.
• El sentimiento lírico materno en la pintura de Ovidio Murguía^[3], 1951.
• La gaita en Britania, 1956.
• Sofía Casanova: un siglo de glorias y dolores, 1964.
• Compostela: piedra y alma, 1983.

Galardóns

• Medalla de Platino ao Mérito Deportivo.
• Premio de honra da Agrupación Española de Periodistas Deportivos.
• O concello da Coruña tenlle adicada unha rúa.