Judith Anderson

Dame Frances Margaret Anderson, nada en Adelaida o 10 de febreiro de 1897 e finada en Santa Barbara o 3 de xaneiro de 1992,^[1] foi unha actriz británica de orixe australiana coñecida como Judith Anderson, que tivo unha carreira de éxito no teatro, no cinema e na televisión. Foi unha destacada actriz teatral do seu momento e gañou dous premios Emmy e un premio Tony, ademais de ser candidata ao Grammy e ao Oscar. Está considerada unha das grandes actrices clásicas do século XX.

Judith Anderson

Biografía
Nacemento	(en) Frances Margaret Anderson 10 de febreiro de 1897 Adelaida (Australia)
Morte	3 de xaneiro de 1992 (94 anos) Santa Bárbara, Estados Unidos de América
Causa da morte	pneumonía
Residencia	Santa Bárbara
Actividade
Ocupación	actriz de teatro, actriz de cinema, actriz de televisión
Período de actividade	1915 - 1987
Familia
Cónxuxe	Luther Greene (1946–1951), divorcio
Premios
(10 de xuño de 1991)  compañeiro da Orde de Australia (1961)  Primetime Emmy á mellor actriz - Miniserie ou telefilme, premiado polo traballo Macbeth (en) (1960)  Dama comandante da Orde do Imperio británico (1955)  Primetime Emmy á mellor actriz - Miniserie ou telefilme, premiado polo traballo Macbeth (en) (1948)  Premio Tony á mellor actriz principal nunha obra de teatro, premiado polo traballo Medea  Donaldson Awards (en)
Descrito pola fonte	Obálky knih,

Traxectoria

Primeiros anos

Frances Margaret Anderson naceu en 1897, a máis nova dos catro fillos de Jessie Margaret (de solteira Saltmarsh; 19 de outubro de 1862 – 24 de novembro de 1950), antiga enfermeira, e do escocés James Anderson Anderson, prospector pioneiro.^[2][3] Asistiu a unha escola privada, Norwood, en que acabou a súa educación antes de graduarse.^[4]

Debutou profesionalmente como Francee Anderson en 1915, interpretando a Stephanie no Teatro Real de Sydney, en A Royal Divorce. Á fronte da compañía estaba o actor escocés Julius Knight ao que logo recoñeceu como quen lle deu as súas habilidades interpretativas.^[5] Apareceu ao seu lado en adaptacións de The Scarlet Pimpernel, The Three Musketeers, Monsieur Beacauire e David Garrick. En 1917 fixo unha xira por Nova Zelandia.^[6]

Anderson era ambiciosa e quixo deixar Australia. Moitos dos actores locais marchaban a Londres, pero a guerra facíao máis difícil e decidiu ir aos Estados Unidos.^[7] Viaxou a California, pero non tivo éxito logo de catro meses e mudouse a Nova York, coa mesma falla de éxito.^[6][8] Tras un período de pobreza e enfermidade, atopou traballo na Emma Bunting Stock Company no Fourteenth Street Theatre en 1918–19. Entón marchou de xira con outras compañías.^[6]

Éxito

Debutou en Broadway con Up the Stairs (1922) á que seguiu The Crooked Square (1923) e logo marchou a Chicago con Patches (1923). Apareceu tamén en Peter Weston (1923) que tivo unha breve traxectoria.^[9]

Un ano despois cambiou o seu nome artístico a Judith e logrou o seu primeiro triunfo coa obra Cobra (1924) coprotagonizada con Louis Calhern, que tivo 35 representacións. Despois pasou a The Dove (1925) que tivo 101 funcións e a estableceu definitivamente en Broadway.^[6][10]

Anderson debutou no cinema nunha curtametraxe para Warner Bros., Madame of the Jury (1930), e debutou na longametraxe cun papel en Blood Money (1933). Con todo, centrouse en Broadway: Come of Age (1934) e Divided By Three (1934).^[11]

Recibiu un forte pulo na súa carreira cando foi contratada para o filme Rebecca (1940), de Alfred Hitchcock. O filme foi un éxito comercial e de crítica e Anderson foi candidata ao Oscar á mellor actriz secundaria.

Vida privada

Anderson casou dúas veces e declarou que "ningunha experiencia foi unha feliz vacación":^[12]

• Benjamin Harrison Lehmann (1889–1977), profesor inglés na Universidade de California en Berkeley;^[13] casaron en 1937 e divorciáronse en agosto de 1939. Por este matrimonio tivo un enteado, Benjamin Harrison Lehmann, Jr.^[14][15]
• Luther Greene (1909–1987), produtor teatral; casaron en xullo de 1946 e divorciáronse en 1951.^[16]

Complete filmography

• Madame of the Jury (1930, curtametraxe)
• Blood Money (1933) - Ruby Darling
• Rebecca (1940) - Mrs. Danvers
• Forty Little Mothers (1940) - Madame Madeleine Granville
• Free and Easy (1941) - Lady Joan Culver
• Lady Scarface (1941) - Slade
• All Through the Night (1942) - Madame
• Kings Row (1942) - Mrs. Harriet Gordon
• Edge of Darkness (1943) - Gerd Bjarnesen
• Stage Door Canteen (1943) - ela mesma
• Laura (1944) - Ann Treadwell
• And Then There Were None (1945) - Emily Brent
• The Diary of a Chambermaid (1946) - Madame Lanlaire
• The Strange Love of Martha Ivers (1946) - Mrs. Ivers
• Specter of the Rose (1946) - Madame La Sylph
• Pursued (1947) - Mrs. Callum
• The Red House (1947) - Ellen Morgan
• Tycoon (1947) - Miss Braithwaite
• The Furies (1950) - Flo Burnett
• Salome (1953) - Queen Herodias
• Macbeth (1954, telefilme) - Lady Macbeth
• Os dez mandamentos (1956) - Memnet
• Cat on a Hot Tin Roof (1958) - Big Momma Pollitt
• The Moon and Sixpence (1959, telefilme) - Tiare
• A Christmas Festival (1959, telefilme) - Narradora da ofrenda final
• Cradle Song (1960, telefilme) - The Prioress
• Macbeth (1960, telefilme) - Lady Macbeth
• Cinderfella (1960) - Wicked Stepmother
• Don't Bother to Knock (1961) - Maggie Shoemaker
• The Ghost of Sierra de Cobre (1964, telefilme) - Paulina
• Elizabeth the Queen (1968, telefilme) - Raíña Isabel I
• The File on Devlin (1969, telefilme) - Elizabeth Devlin
• A Man Called Horse (1970) - Buffalo Cow Head
• The Borrowers (1973, telefilme) - Aunt Sophy
• The Underground Man (1974, telefilme) - Mrs. Snow
• The Chinese Prime Minister (1974, telefilme) - She
• Inn of the Damned (1975) - Caroline Straulle
• Medea (1983, telefilme) - Nurse
• Star Trek III: The Search for Spock (1984) - Vulcan High Priestess
• The Booth (1985, telefilme)
• Impure Thoughts (1985) - The Sister of Purgatory