Kajsa Ekis Ekman

Kajsa "Ekis" Ekman, nada en 1980, é unha xornalista, escritora e activista sueca. É autora de varios traballos sobre a crise financeira, os dereitos das mulleres, e a crítica do capitalismo. Escribe para o diario sueco Dagens Nyheter e é columnista op-ed no diario de esquerda ETC.^[1] Tamén escribe para The Guardian, TruthDig e Feminist Current.

Kajsa Ekis Ekman

(2023)
Biografía
Nacemento	(sv) Anna Kajsa Helena Langemar Ekman 25 de xullo de 1980 (45 anos) Maria Magdalena parish, Suecia (en)
Cor do pelo	Louro
Actividade
Ocupación	escritora, xornalista
Participou en
2015	Freedom Flotilla III (en)
Premios
(2020)  Lenin Award (Sweden) (en) (2016)  Sara Lidman Prize (en) (2010)  Robespierrepriset (en)

Libros

O seu libro Being and Being Bought (en galego, Ser e ser comprado) compara a industria de sexo e a de xestación por substitución e como ambas as dúas mercantilizan o corpo das mulleres.^[2] Critica a idea do «traballo do sexo» por ser unha alianza infame entre a dereita neoliberal e a esquerda posmoderna utilizada para lexitimar a industria do sexo. Tamén denuncia que os "sindicatos para traballadores do sexo" en moitos casos están financiados por proxenetas, estados, e académicos, e teñen moi pouco que ver coa loita dos traballadores. O libro foi traducido a francés, inglés, español e alemán.

O seu libro Stolen Spring («Primavera roubada») describe a crise do euro vista desde Atenas e a forma na que afectou á economía grega.^[3] Ekman critica a visión de que a crise fose causada polos traballadores gregos e atribúea a cambios no capitalismo. Concedéuselle o premio «Sueco-Grego do Ano» 2016 pola súa solidariedade con Grecia.^[4]

Ekman foi unha das relatoras principais no Festival of Dangerous Ideas (en galego, Festival de Ideas Perigosas) de 2014.

Na súa charla Ted, «Todo o mundo fala sobre o Capitalismo, mais que é?», fala sobre mercado libre como ferramenta útil, mais describe o capitalismo como unha forza allea á moral, a responsabilidade, planificar sobre o clima, o país ou o mundo. Suxire a regulación do sector financeiro para evitar crises e propón a democracia en todos os sectores da sociedade, incluído no lugar de traballo.^[5]

Participou na Frota da Liberdade a Gaza en 2015.