Láncara

Láncara é un concello da provincia de Lugo, pertencente á comarca de Sarria. Segundo o IGE no 2014 tiña 2.789 habitantes (3.047 no 2006, 3.091 no 2005, 3.136 no 2004, 3.146 no 2003). O xentilicio é «lancarao».^[1]

Para outras páxinas con títulos homónimos véxase: Láncara.

Láncara

Localización
42°51′49″N 7°20′14″O
Estado	España
Comunidade autónoma	Galicia
Provincia	provincia de Lugo
Capital	A Pobra de San Xiao
Poboación
Poboación	2.500 (2024) (20,55 hab./km²)
Xeografía
Superficie	121,66 km²
Altitude	378 m
Comparte fronteira con	Sarria Becerreá Triacastela Baralla O Páramo O Corgo Samos
Organización política
• Alcalde	Eladio Capón López
Eleccións municipais en Láncara
Identificador descritivo
Código postal	27026
Fuso horario	UTC+01:00
Código INE	27026
Sitio web	concellodelancara.com

Demografía

Censo total	2.789 (2014)
Menores de 15 anos	196 (7.03 %)
Entre 15 e 64 anos	1.627 (58.34 %)
Maiores de 65 anos	966 (34.64 %)

Evolución da poboación de Láncara   Fontes: INE e IGE.
1900	1930	1950	1981	2004	2009	2011	2012	2013	2014	2015	2016	2017	2018	2019	2020	2021	2022	2023
5.169	6.113	5.513	4.270	3.136	2.992	2.908	2.866	2.839	2.789	2.764	2.702	2.696	2.637	2.605	2.584	2.551
(Os criterios de rexistro censual variaron entre 1900 e 2004, e os datos do INE e do IGE poden non coincidir.)

Familia Castro

Placa que lembra a casa onde naceu o pai de Fidel Castro.

De Láncara era Ángel Castro Argiz, pai de Fidel Castro, que a finais do século XIX emigrou ás Américas. O propio Fidel Castro visitou a aldea de seu pai o 27 de xullo de 1992, convidado polo presidente Manuel Fraga. Na visita coñeceu a casa familiar (onde hoxe hai unha placa), a dúas das súas curmás, foi nomeado fillo adoptivo e asistiu a unha romaxe típica. Castro dixo que para el era unha «grande honra ser descendente de galegos, e que a casa de seu pai non fose un pazo, senón unha casoupa moi humilde». Fidel tamén mencionou «os xenes de rebeldía que hai no espírito galego», e lembrou que moitos dos que lle seguiron na loita armada contra Fulgencio Batista eran orixinarios desta terra^[2].

Política

En outubro do ano 2009 o PPdG presentou unha moción de censura cun tránsfuga do PSOE para derrocar da alcadía gobernante socialista Darío Antonio Piñeiro López. Contou co apoio dos dous concelleiros elixidos por Terra Galega (TeGa), formación que pola súa parte os expulsou por dobre militancia no PP.

Deporte

A Pobra de San Xiao tivo un equipo de fútbol sala, o ED Láncara, máis coñecido polo nome dos seus patrocinadores Muebles Caloto e Barcel Euro. Entre 2004 e 2006 xogou na División de Honra, a máxima categoría do fútbol sala español.

Galería de imaxes

Artigo principal: Galería de imaxes de Láncara.

• 
  Casa do concello.
• 
  Escudo do concello.
• 
  Mapa-mural na casa do concello.
• 
  Placa altimétrica na casa do concello.

Lugares de Láncara

Para unha lista completa de todos os lugares do concello de Láncara vexa: Lugares de Láncara.

Parroquias

Galicia | Provincia de Lugo | Parroquias de Láncara

Armea (San Pedro) | Bande (San Pedro) | Carracedo (San Vicente) | Cedrón (Santiago) | Galegos (Santa Mariña) | Lagos (Santalla) | Lama (Santa María) | Láncara (San Pedro) | Larín (San Salvador) | Monseiro (San Miguel) | Muro (San Xoán) | Neira de Cabaleiros (Santa María Madanela) | Oleiros (San Martiño) | A Pobra de San Xiao (San Xiao) | Río (San Martiño) | Ronfe (San Pedro) | Souto de Ferradal (Santiago) | Toirán (San Salvador) | Toldaos (San Vicente) | Toubille (Santa María) | Trasliste (San Xoán) | Vilaesteva de Herdeiros (Santa María) | Vilaleo (Santa María) | Vilambrán (Santa María) | Vilarello (San Pedro) | Vilouzán (Santo Estevo)