LACE

LACE (acrónimo de Low-power Atmospheric Compensation Experiment), coñecido tamén como USA 51, foi un satélite artificial militar estadounidense lanzado o 14 de febreiro de 1990 mediante un foguete Delta 6920 desde o Centro Espacial de Cabo Cañaveral.^[2][5][6]

LACE / Losat-L
Probas de LACE antes do lanzamento.
Tipo	Militar / experimental
Organización	Departamento de Defensa dos Estados Unidos
Destino actual	Reentrado na atmosfera.
Data de lanzamento	14 de febreiro de 1990, 16:15 GMT[1][2][3][4]
Foguete portador	Delta 6920[2][5]
Sitio de lanzamento	Centro Espacial de Cabo Cañaveral[2][6]
Obxectivo da misión	Medicións da distorsión dos raios láser provenientes da Terra.[2][6]
Decaemento	24 de maio de 2000[1]
NSSDC ID	1990-015A
Masa	1430,0 kg[2][5]
v c e

Características

LACE foi un satélite militar experimental lanzado para medir a distorsión dos raios láser emitidos desde a superficie terrestre cara ao satélite nas bandas de luz visible e infravermello.^[2][5][6]

O satélite foi construído polo Laboratorio de Investigación Naval e levaba, ademais dos sensores para o láser, un sensor ultravioleta para descubrir as mellores lonxitudes de onda coas que detectar o rastro do escape dos foguetes e un experimento para medir a presenza de neutróns no espazo.^[2][5][6]

LACE estabilizábase mediante gradente gravitatorio. Foi posto fóra de servizo o 14 de febreiro de 1993, tras superar a súa vida útil esperada, de 30 meses, e reentrou na atmosfera o 24 de maio de 2000.^[2][5][6]