Lawrence Lessig

Lawrence Lessig, nado o 3 de xuño de 1961 no estado do Dakota do Sur, é un xurista norteamericano de notoriedade internacional.

Lawrence Lessig

(2017)
Biografía
Nacemento	3 de xuño de 1961 (64 anos) Rapid City, Estados Unidos de América (pt)
Educación	Yale Law School - Juris Doctor (–1989) Universidade de Cambridge Wharton School Trinity College Loyalsock Township High School (en)
Actividade
Campo de traballo	Dereito
Ocupación	xurista, informático teórico, político, catedrático, escritor de non ficción, activista político, avogado, mestre
Empregador	Universidade Harvard Universidade de Chicago Universidade Stanford
Partido político	Partido Demócrata
Membro de	Academia das Artes e das Ciencias dos Estados Unidos
Premios
(2014)  Webby Lifetime Achievement Award (en) (31 de maio de 2013)  Doutor honoris causa pola Universidade de Lund (2007)  Berlin Prize (en) (8 de febreiro de 2003)  FSF Award for the Advancement of Free Software (pt)  Concedido por Free Software Foundation (2002)  Scientific American 50 (en)
Descrito pola fonte	Obálky knih, Dictionnaire des biens communs
Sitio web	lessig.org

Traxectoria

Estudou na Universidade de Pensilvania, no Trinity College (Cambridge) e na Universidade Yale. Foi profesor de Dereito en Harvard e na Universidade de Chicago.

Está considerado liberal progresista, se ben no seu momento foi asistente dos xuíces Richard Posner e Antonin Scalia, considerados conservadores.

En 2002 Lessig obtivo o FSF Award for the Advancement of Free Software da Free Software Foundation (FSF). O 28 de marzo de 2004 foi elixido para integrar a Xunta Directiva da FSF^[1].

O concepto de "cultura libre" propúxoo no seu libro en su libro homónimo (Cultura libre). É un activo promotor do software libre e o espectro aberto^[2].

Especialista de dereito político e de dereito da propiedade intelectual, é un importante defensor da liberdade sobre Internet e oponse a unha interpretación extensiva do dereito de autor que prexudica o potencial de creación e aos intercambios en liña. É unha das voces máis escoitadas nos debates sobre os límites do dereito de autor e sobre o desenvolvemento mundial de Internet.

Actualmente é profesor de dereito (C. Wendell and Edith M. Carlsmith Professor of Law) na Stanford Law School (Universidade Stanford, California) onde fundou o Center for Internet and Society. É o actual presidente de Creative Commons (2010), membro do Consello da Electronic Frontier Foundation e membro da Xunta Directiva do Software Freedom Law Center, creado en febreiro de 2005.

No 2015 anuncia a súa candidatura á presidencia dos USA polo Partido Demócrata tendo como obxectivo aprobar unha única lei, a Citizens Equality Act, tras o que dimitiría deixando a presidencia ó Vicepresidente que forme equipo con el.

Obra[3]

• Code and Other Laws of Cyberspace (2000) ISBN 978-0-465-03913-5
• The Future of Ideas (2001) ISBN 978-0-375-50578-2
• Free Culture (2004) ISBN 978-1-59420-006-9
• Code: Version 2.0 (2006) ISBN 978-0-465-03914-2
• Remix: Making Art and Commerce Thrive in the Hybrid Economy (2008) ISBN 978-1-59420-172-1