Lebre (constelación)

Lepus ou Lebre^[1] é unha constelación, situada xusto ó sur de Orión, e posiblemente representa unha lebre que está sendo perseguida por Orión. Lepus foi unha das 48 constelacións de Tolomeo e tamén pertence ás 88 constelacións modernas.

Para outras páxinas con títulos homónimos véxase: Lebre (homónimos).

Lepus
Nome latino	Lepus
Abreviatura	Lep
Xenitivo	Leporis
Simboloxía	A Lebre
Ascensión recta	6 h
Declinación	−20°
Área	290 graos cadrados Rango 51º
Número de estrelas (magnitude < 3)	2
Estrela máis brillante	α Lep (Arneb) (magnitude ap. 2.58)
Choiva de meteoros	Ningunha
Constelacións lindeiras	Orión Monoceros Canis Major Columba Caelum Eridanus
Visible en latitudes entre +63° e −90° Mellor visibilidade ás 21:00 (9 p.m.) durante o mes de xaneiro

Esta constelación non debe ser confundida con Lupus.

Mitoloxía

Aínda que a constelación de Lepus é antiga, ten pouca mitoloxía asociada, á parte do posible papel accidental no mito de Orión. Segundo Hixino, tratábase dunha lebre que fuxía do can de Orión. Eratóstenes engadía que Hermes puxéraa entre as constelacións debido á súa gran velocidade.

Estrelas

Estrelas con nome propio

• α Lep, 2,58 Arneb

  < أرنب ´arnab, lebre

• β Lep, 2,81 Nihal ou Nibal

  < نهال nihāl (Camelos) apagando a súa sede

• R Lep, Estrela de Hind Crimson – variable 5,5 - 11,7

Estrelas con designación de Bayer

γ Lep – estrela dobre 3.59, 6,15; δ Lep 3,76; ε Lep 3,19; ζ Lep 3,55 – ten un posible cinto de asteroides; θ Lep 4,67; η Lep 3,71; ι Lep 4,45; κ Lep 4,36; λ Lep 4,29; μ Lep 3,29; ν Lep 5,29

Estrelas con designación de Flamsteed

1 Lep 5,74; 9 Lep 5,25; 10 Lep 5,53; 12 Lep 5,88; 17 Lep 4,92; 19 Lep 5,28

Outras estrelas notables

Gliese 229 8,14 – estrela próxima cunha compañeira anana marrón

Obxectos Notable do espazo profundo

• M79 (NGC 1904), cúmulo globular de magnitude 8,4 cun diámetro de 9,6 minutos de arco. Está situado a 3º53' ó sur de Nihal (β Leporis).
• IC 418, nebulosa planetaria de magnitude 11, cunha estrela central que ten unha magnitude 11.
• NGC 1964, galaxia espiral barrada, é a galaxia máis brillante da constelación con magnitude 10,8.