Linguas gur

As linguas gur, tamén coñecidas como gur central ou mabia, son un grupo de linguas que pertencen ás linguas níxer-congo. Hai arredor de 70 linguas que pertencen a este grupo. Son faladas no Sahel e as rexións de sabana do oeste de África, especialmente nas áreas de Burkina Faso, no sur e centro de Malí, o nordeste de Costa do Marfil, as metades norte de Ghana e Togo, noroeste de Benín, e suroeste de Níxer. Ademais, unha única lingua gur, o baatonum, é falada no extremo noroeste de Nixeria.

Gur
Outros nomes:	Gur central, mabia
Falado en:	Benín, Burkina Faso, Ghana, Costa do Marfil, Malí, Níxer, Nixeria e Togo
Rexións:	Sahel e sabana
Total de falantes:
Familia:	Atlántico-congolés   Volta-congo    Sabánicas     Gur
Escrita:	Latino
Códigos de lingua
ISO 639-1:	--
ISO 639-2:	---
Mapa
1. Koromfé     2. Oti–volta     3. Bwamu     4. Gurunsi     5. Kirma–lobi     6. Dogoso–khe     7. ? Doghose–Gan
Status

Características tipolóxicas

Como a maioría das linguas níxer-congo, o devanceiro das linguas gur probablemente tiña un sistema de clase substantiva; moitas das linguas actuais reduciron isto a un sistema de xéneros ou declinacións nominais ou xa non teñen un sistema de clases.^[1] Unha propiedade común das linguas gur é a marcación verbal do aspecto. Case todas as linguas gur son tonais, sendo koromfé unha notable excepción. Os sistemas tonais das linguas gur son bastante diverxentes. A maioría das linguas gur foron descritas seguindo o modelo dun sistema de dous tons, mais as linguas da rama oti-volta e algunhas outras teñen tres tons fonémicos.