Mandioca

A mandioca^[1] (Manihot esculenta), ás veces tamén chamada iuca (cómpre non confundir co xénero Yucca sp), é unha planta tropical euforbiácea (da familia Euphorbiaceae), arbustiva ou arbórea, de até 3 m de altura. Ten raíces tuberosas, follas grandes moi divididas, flores amarelas en acio e froito en cápsula alada.

Mandioca
Manihot esculenta
Clasificación científica
Reino: Plantae División: Magnoliophyta Clase: Magnoliopsida Orde: Malpighiales Familia: Euphorbiaceae Subfamilia: Crotonoideae Tribo: Manihoteae Xénero: Manihot Especie: 'M. esculenta'
Nome binomial
'Manihot esculenta' Crantz

Manihot esculenta

Mandioca crúa

Valor nutricional por 100 g
Enerxía	160 kcal (670 kJ)
Carbohidratos	38.1 g
Azucres	1.7 g
Fibra alimentaria	1.8 g
Graxas	0.3 g
Proteínas	1.4 g
Vitaminas	Cantidade %DV†
Tiamina (B1)	8% 0.087 mg
Riboflavina (B2)	4% 0.048 mg
Niacina (B3)	6% 0.854 mg
Vitamina B6	7% 0.088 mg
Ácido fólico (B9)	7% 27 μg
Vitamina C	25% 20.6 mg
Minerais	Cantidade %DV†
Calcio	2% 16 mg
Ferro	2% 0.27 mg
Magnesio	6% 21 mg
Fósforo	4% 27 mg
Potasio	6% 271 mg
Sodio	1% 14 mg
Cinc	4% 0.34 mg
Outros constituíntes	Cantidade
Auga	60 g
Full Ligazón á base de datos USDA
Units μg = microgramos • mg = miligramos IU = Unidades internacionais
†As porcentaxes son aproximadas empregando a recomendación de US para os adultos.

A raíz posúe unha fécula alimentaria, velenosa acabada de extraer, mais comestíbel a xeito de tapioca, obtida despois de someter a fécula verde a unha lixeira cocedura^[2]. A tapioca é un alimento rico en glícidos como o amidón^[3].

Descrición

É un arbusto perennifolio, monoico, con raíces tuberosas engrosadas, fusiformes e fibrosas. As follas son alternas, palmadas e estipuladas.

Usos

Cultívase coma alimento básico en moitos países tropicais. A mandioca é a terceira fonte de glícidos da humanidade.^[4][5] A mandioca clasifícase como "doce" ou "amarga" dependendo do nivel da substancia tóxica (glicósidos cianoxénicos) que contén. Unha preparación pouco coidadosa da mandioca causa unha doenza chamada konzo. No entanto os agricultores prefiren cultivar variedades "amargas" xa que son máis resistentes ás pragas.^[6]

Raíz de mandioca sen procesar

A raizame da mandioca ten de 5 a 10 cm de diámetro e chega até os 50 a 80 cm de longo. O interior da raíz pode ser branco ou amarelento. É rica en amidón, calcio , fósforo e vitamina C (25 mg/100 g) porén pobre en proteínas e outros nutrientes.