Manuel Dourado Deira

Manuel Dourado Deira, nado no Araño (Rianxo) o 30 de agosto de 1929 e finado no mesmo concello o 26 de decembro de 2012^[1], foi un escritor galego.

Manuel Dourado Deira

Biografía
Nacemento	30 de agosto de 1929 O Araño, España
Morte	26 de decembro de 2012 (83 anos) Rianxo, España
Actividade
Ocupación	escritor
Familia
Fillos	Olga Dourado González

Traxectoria

Naceu no seo dunha humilde familia labrega, practicando a labranza na casa de seus pais até a puberdade. Estudou Maxisterio na Universidade de Santiago de Compostela, obtendo tamén o título de Licenciado en Dereito na mesma Universidade. Foi profesor de EXB no colexio Castelao de Rianxo.

Ten exercido tamén o periodismo, particularmente o de opinión, en medios como Faro de Vigo e La Voz de Galicia, e desde 1988, en El Correo Gallego, O Correo Galego e Galicia Hoxe. Foi membro do Consello de Redacción de Encrucillada.

Obras

Ensaio

• Conversas con Teresa Castelao (Anecdotario dun século de vida), 1999, Sotelo Blanco.
• A Mestresa da Casa-Museo: Unha Rosalía rediviva, sobre Maruxa Villanueva, 2009, Deputación da Coruña.
• O primeiro retorno de Castelao, 2014, Axóuxere Editora.

Obras colectivas

• Guerra Civil e Literatura Galega (1936-1939), 2006, Xerais.

Premios

• Premio de periodismo Ruta Xacobea no 1991.