Michael Keating

Michael Keating, nado o 2 de febreiro de 1950 en Inglaterra, é un escritor e politicólogo escocés que ten desenvolvido estudos sobre Galicia.^[1]

Michael Keating

(2015)
Biografía
Nacemento	2 de febreiro de 1950 (75 anos) Reino Unido
Educación	Pembroke College (en) Universidade Caledônia de Glasgow (pt)
Actividade
Ocupación	politicólogo, profesor universitario
Empregador	Universidade de Ontario Occidental Universidade de Aberdeen
Membro de	Academia Europaea (2014–) Sociedade Real de Edimburgo
Premios
(2012)  Membro da Academia Británica  Membro da Sociedade Real de Edimburgo  Fellow of the Academy of Social Sciences (en)

Traxectoria

Keating naceu no nordeste de Inglaterra, se ben pola súa familia procedía de Escocia, Irlanda e o Canadá, e de feito conserva estas tres nacionalidades.^[2] Licenciouse en Politicoloxía na Universidade de Oxford (1971) e doutorouse na Universidade Politécnica de Glasgow en 1975. Como docente comezou traballando en 1975 para a universidade de Essex, en 1976 trasladouse á universidade Politécnica de North Stafordshire, ambas as dúas en Inglaterra, e en 1979 comezou unha década de ensinanza na Universidade de Strathclyde, en Glasgow.

En 1988 marchou ao Canadá, onde traballou na Universidade de Ontario Occidental e unha década máis tarde, en 2000 trasladouse de novo a Europa para conseguir unha praza na Universidade de Aberdeen e dar clase no Instituto Universidade Europea de Firenze, onde chegou a ser o director do departamento de Políticas. En 2010 regresou de novo a Aberdeen. Como profesor visitante, ensinou no Instituto de Estudos Políticos de París, na Universidade de Santiago de Compostela, na Universidade do País Vasco, na Universidade Estatal e Politécnica de Virxinia, no Instituto Nobel ou na Universidade de Grenoble.^[3]

Como investigador especializouse na análise dos movementos nacionalistas en Europa, e en especial Escocia, Cataluña, o País Vasco ou Galicia. É membro da Royal Society of Edinburgh e doutor honoris causa pola universidade Católica de Mons (Bélxica).

Obra

• Nations against the State: The New Politics of Nationalism in Quebec, Catalonia and Scotland (Macmillan, 1996)
• The political economy of regionalism (Portland, 1997)
• Plurinational Democracy: Stateless Nations in a Post-Sovereignty Era (Oxford University Press, 2001)
• Minority nationalism and the changing international order (Oxford University Press, 2001)
• Culture, institutions, and economic development: a study of eight European regions (Edward Elgar, 2003)
• Regions and regionalism in Europe (Edward Elgar, 2004)
• The Government of Scotland: Public Policy Making after Devolution (Edinburgh University Press, 2005),
• Approaches and Methodologies in the Social Sciences (Cambridge University Press, 2008), a canda Donatella della Porta.
• The Independence of Scotland (Oxford University Press, 2009)