Microsoft Paint

Paint (orixinalmente Paintbrush) é un programa editor de fotografía desenvolvido por Microsoft. Paint acompañou ao sistema operativo Microsoft Windows desde a versión 1.0. Sendo un programa básico, inclúese en todas as novas versións deste sistema. Pola súa simplicidade, rapidamente converteuse nunha das aplicacións máis usadas das primeiras versións de Windows -introducindo a varios a debuxar coa computadora por primeira vez- e é aínda fortemente asociado coa inmediata usabilidade de Windows.

Microsoft Paint
Instancia de	editor de imaxes rasterizadas e compoñente de Microsoft Windows
Licenza	licenza de propiedade
Versións 2004 (10.0.19041.746) versión estábel (6 de outubro de 2021) 1809 (17763.404) versión estábel (2 de abril de 2019) 1909 (10.0.18363.815) versión estábel (21 de abril de 2020)
Datas e localizacións
Creación	novembro de 1985
Persoas e organizacións
Distribuidor/a	Microsoft Store
Desenvolvedor	Microsoft
Fontes e ligazóns
Páxina WEB	microsoft.com…
[ Wikidata ] [ C:Commons ]

Historia

Versións completas

A primeira versión de Paint introduciuse na primeira versión de Windows, Windows 1.0. Máis tarde foi rebautizado a PaintBrush en Windows 3.0, pero foi cambiado de novo a Paint en Windows 95 e posteriores. Esta versión soamente admite os formatos de arquivo MSP e BMP. O primeiro xa non é compatible.

En Windows XP, tamén garda arquivos GIF estáticos e PNG sen transparencia.

En Windows Vista, cambiáronse as iconas de barra de ferramentas e as cores da paleta de cores. Así mesmo, agregouse un maior número de niveis de desfacer, pasando a ser 10 veces, e un control deslizante de zoom. Esta versión garda os arquivos en formato .jpg de forma predeterminada, que pode afectar á calidade xeral dunha imaxe, especialmente despois de múltiples gardados do arquivo debido ao seu método de compresión.

Windows 7, Windows 8 e Windows 8.1

En Windows 7 e Windows 8 a versión de Paint fai uso da interface Ribbon.^[1] Ademais, conta con pinceis "artísticos" compostos por diferentes tons de gris e transparencias para dar un resultado máis realista. Para agregar máis realismo, os pinceis de óleo e acuarela poden pintar soamente unha pequena distancia antes de que o usuario deba volver facer clic. Isto dá a ilusión de que o pincel se descargou de pintura. Tamén se engadiu anti-aliasing ás formas, que poden cambiar de tamaño libremente ata que se rastericen cando se selecciona outra ferramenta. Esta versión utiliza o formato de arquivo PNG por defecto para gardar imaxes, o que garante máxima calidade e compatibilidade.

Windows 10 e Windows 10 Mobile

A versión universal para Windows 10 atópase aínda en desenvolvemento, prevista para ser lanzada coa versión "RS2" de Windows 10. Microsoft xa publicou a nova aplicación universal de Paint na tenda baixo o nome en código "Newcastle", que ven con soporte para figuras 3D, novos pinceis, figuras, opcións, etc.

Características

Paint utilízase a miúdo para crear pixel art.

As versións recentes de Paint permiten ao usuario elixir até tres cores á vez: a cor primaria (clic esquerdo do rato), cor secundaria (clic dereito do rato) e terceira cor (tecla control + calquera clic do rato).