Morcego rateiro grande

O morcego rateiro grande (Myotis myotis) é o maior representante do xénero, Myotis en Europa.

Morcego rateiro grande
Myotis myotis
Estado de conservación
Pouco preocupante[1]
Clasificación científica
Reino: Animalia Filo: Chordata Clase: Mammalia Orde: Chiroptera Suborde: Microchiroptera Familia: Vespertilionidae Subfamilia: Myotinae Xénero: Myotis Especie: M. myotis
Nome binomial
'Myotis myotis' (Borkhausen, 1797)
Mapa de distribución de M. myotis Mapa de distribución de M. myotis
Subespecies
M. myotis subsp myotis, Borkhausen, (1797) M. myotis subsp macrocephalicus, Harrison e Lewis, (1961)

Descrición

As femias son algo maiores que os machos, de pelo curto e denso, cunha base escura e co dorso de cor marrón a parda agrisada e o ventre case branco; os espécimes novos son dun gris cincento e pel pardo avermellada.

O fociño é ancho e con avultamentos glandulares, o uropataxio é lampiño, cun esporón que cobre a metade do seu bordo.

O seu fórmula dentaria é ${\displaystyle {\frac {2.1.3.3}{3.1.3.3}}}$.

Distribución

Mapa de distribución europea

Habita en Europa, Israel, Siria, Anatolia e Illas Azores. En Europa, ao sur dunha liña que pasa por Holanda, costa xermano-polaca e Crimea.

Hábitat

Ocupa zonas tépedas. Os seus territorios de caza e campeo adoitan ser bosques abertos de tipo adevesados e parques asociados con áreas marxinais urbanas, esta considerado unha especie forestal.

É unha especie tipicamente cavernícola, que utiliza como refuxios, covas, minas ou calquera tipo de cavidade subterránea, tamén se atopa en faiados e sotos, sobre todo en Europa central.

Gregario durante a cría, con colonias que poden reunir miles de femias a partir do mes de marzo. Os machos ao principio mesturados coas femias, sepáranse en pequenos grupos que volven a reunirse en agosto para a cópula.

Ameazas

As principais ameazas derívanse da destrución ou inutilización de refuxios e as molestias ocasionadas por espeleoturismo. A transformación e rehabilitación de edificios con colonias.