Mitilinos

A dos mitilinos (Mytilinae) é unha subfamilia de moluscos bivalvos mariños da subclase dos pteriomorfios, orde dos mitílidos, superfamilia dos mitiloideos e familia dos mitílidos.^[2]

Mitilinos Mytilinae
As dúas valvas de Mytilus galloprovincialis.
Clasificación científica
Reino: Animalia Filo: Mollusca Clase: Bivalvia Subclase: Pteriomorphia Orde: Mytilida Superfamilia: Mytiloidea Familia: Mytilidae Subfamilia: Mytilinae Rafinesque, 1815
Especie tipo
Mytilus edulis Linnaeus, 1758 [1]
Xéneros
Véxase o texto
Sinonimia
Véxase o texto

A subfamilia abrangue varios xéneros que comprenden especies vulgarmente coñecidas como mexillóns.^[3]

Taxonomía

Descrición

A subfamilia foi descrita en 1815 polo naturalista estadounidense de orixe franco-xermana-italiana Constantine Samuel Rafinesque-Schmaltz, interesado, entre outros numerosos temas, pola zooloxía, en especial pola malacoloxía, na súa obra Analyse de la Nature ou Tableau de l'univers et des corps organisés, editada en Palermo.

Etimoloxía

O nome científico Mytilinae está formado sobre a base da raíz Mytil- do seu xénero tipo, Mytilus, engadíndolle o sufixo do latín científico -inae, propio dos nomes das subfamilias de animais.

(Para a etimiloxía de Mytilus, véxase Mytilus).

Sinónimos

Ademais de polo nome que lle impuxo Rafinesque (protónimo), e que é o actualmente válido, a sufmailia coñeceuse tamén polos sinónimos:

• Brachidontinae
• Crenomytilinae
• Perninae
• Xenomytilinae

Xéneros

Na actualidade (2020) recoñécense na subfamilia od seguintes xéneros:^[2]

• Aulacomya Mörch, 1853
• Choromytilus Soot-Ryen, 1952
• Crenomytilus Soot-Ryen, 1955
• Ischadium Jukes-Browne, 1905
• Mytilus Linnaeus, 1758
• Perna Philipsson, 1788
• Semimytilus Soot-Ryen, 1955