Mytilus

Mytilus é un xénero de moluscos bivalvos mariños da subclase dos pteriomorfios, que é o tipo da orde dos mitílidos, superfamilia dos mitiloideos, da familia dos mitílidos e da subfamilia dos mitilinos.^[3]

Mytilus Rango fósil: xurásico - actualidade [1]
Mexillóns (Mytilus galloprovincialis) e arneiros (Semibalanus balanoides) na costa de Camariñas.
Clasificación científica
Reino: Animalia Filo: Mollusca Clase: Bivalvia Subclase: Pteriomorphia Orde: Mytilida Superfamilia: Mytiloidea Familia: Mytilidae Subfamilia: Mytilinae Xénero: Mytilus Linnaeus, 1758
Especie tipo
Mytilus edulis Linnaeus, 1758 [2]
Especies
Véxase o texto
Sinonimia
Véxase o texto

O xénero abrangue varias especies que son vulgarmente coñecidas como mexillóns.^[4]

Taxonomía

Descrición

O xénero foi descrito por Carl Linnaeus na páxina 704 do volume 1º da 10ª edición do seu Systema Naturae.^[5]

Etimoloxía

Linneo tomou o nome Mytilus do latín posclásico mytilus, variante do latín clásico mītulus, "mexillón", á súa vez derivado do grego helenístico μίτλος mítlos, derivado do grego antigo μυτίλoς mytílos, co mesmo significado.^[6][7]

Sinónimos

Ademais de polo nome que lle impuxo Lnnneo, e que é o actualmente válido, o xénero coñeceuse tamén polos sinónimos seguintes:^[3]

• Crassimytilus Scarlato & Starobogatov, 1979
• Eumytilus Ihering, 1900
• Pacifimytilus Kafanov, 1984

Especies

Segundo o WoRMS recoñécense no xénero as seguintes especies:^[3]

• Mytilus californianus Conrad, 1837
• Mytilus chilensis Hupé, 1854
• Mytilus edulis Linnaeus, 1758
• Mytilus galloprovincialis Lamarck, 1819
• Mytilus planulatus Lamarck, 1819
• Mytilus platensis d'Orbigny, 1842
• Mytilus trossulus Gould, 1850
• Mytilus unguiculatus Valenciennes, 1858

Galería de imaxes

• 
  Mytilus californianus
• 
  Mytilus platensis
• 
  Mytilus edulis
• 
  Mytilus galloprovincialis
• 
  Mytilus trossulus